डाइनामिक कप इन्लाइन स्केटिङ प्रतियोगिता आयोजना हुने

२६ फागुन,भक्तपुर ।

नेपालमा इन्लाइन स्केटिङ खेलको विकास तथा प्रवद्र्धन गर्ने उद्देश्यले डाइनामिक कप इन्लाइन स्केटिङ प्रतियोगिता २०२६ आयोजना गरिने भएको शनिबार पत्रकार सम्मेलन गर्दै आयोजक टिमले विद्यालयस्तरका प्रतिभावान खेलाडीलाई राष्ट्रिय तथा अन्तर्राष्ट्रिय स्तरमा प्रतिस्पर्धा गर्ने अवसर प्रदान गर्ने लक्ष्यका साथ प्रतियोगिता गर्न लागिएको जानकारी दिइएको हो ।

नेपाल स्केटिङ तथा स्केटबोर्डिङ संघको समन्वय तथा सहयोगमा भक्तपुरस्थित डाइनामिक स्केट क्लब तथा काठमाडौं वल्र्ड स्कूल, भक्तपुरले संयुक्त रूपमा प्रतियोगिता आयोजना गर्ने लागेको हो । प्रतियोगिता आगामी १४ मार्च २०२६ (चैत ३० गते), शनिबार भक्तपुरस्थित काठमाडौं वल्र्ड स्कूलको परिसरमा आयोजना हुनेछ । प्रतियोगितामा देशभरका विभिन्न विद्यालयबाट उल्लेखनीय संख्यामा खेलाडीहरूको सहभागिता रहने अपेक्षा गरिएको आयोजकले जनाएको छ ।

प्रतियोगितामा विभिन्न उमेर समूहका खेलाडीहरूबीच प्रतिस्पर्धा हुनेछ भने महिला र पुरुष दुवै विधामा खेल सञ्चालन गरिनेछ । प्रतियोगितामा विजयी हुने खेलाडीहरूलाई मेडल, शिल्ड तथा प्रमाणपत्र प्रदान गरिनेछ ।