मलंगवामा इन्जिनियर प्रमोद यादवको गोली प्रहारबाट मृ*त्यु
सारांश
- मलंगवामा भौतिक पूर्वाधार विकास कार्यालय सर्लाहीका सव-इन्जिनियर प्रमोद कुमार यादवको गोली प्रहारबाट मृत्यु भएको छ ।
- ३६ वर्षीय यादवमाथि साँझ करिब ७:५० बजे अज्ञात समूहले गोली चलाएको प्रहरीले जनाएको छ।
- सिरहाको सुखिपुर नगरपालिका–३ बैशाखा स्थायी घर भएका उनी एक वर्षदेखि मलंगवामा डेरामा बस्दै आएका थिए।
३ फागुन, सर्लाही ।
मलंगवामा भौतिक पूर्वाधार विकास कार्यालय सर्लाहीका सव-इन्जिनियर प्रमोद कुमार यादवको गोली प्रहारबाट मृत्यु भएको छ । ३६ वर्षीय यादवमाथि साँझ करिब ७:५० बजे अज्ञात समूहले गोली चलाएको प्रहरीले जनाएको छ। सिरहाको सुखिपुर नगरपालिका–३ बैशाखा स्थायी घर भएका उनी एक वर्षदेखि मलंगवामा डेरामा बस्दै आएका थिए। परिवारका अनुसार उनलाई अज्ञात व्यक्तिले फोन गरी घरबाहिर बोलाएका थिए।
बाहिर निस्कनेबित्तिकै उनीमाथि गोली प्रहार गरिएको र एक गोली लागेर उनी ढलेका थिए। घाइते अवस्थाका उनलाई तत्काल प्रादेशिक अस्पताल मलंगवा लगिएको थियो। तर चिकित्सकले उपचारकै क्रममा मृत घोषणा गरेका हुन्। प्रहरीले घटनाको अनुसन्धान सुरु गरेको जनाएको छ। घटनाको कारण र संलग्न व्यक्तिको खोजी कार्य जारी रहेको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया