सर्लाहीमा बेपत्ता युवक पोखरीमा मृ*त भेटिए
सारांश
- सोमबार रातिदेखि घरबाट बेपत्ता भएका अनिलको शव बुधबार बिहान घर नजिकैको पोखरीमा भेटिएको हो।
- परिवारका अनुसार सोमबार राति खाना खाएपछि सुत्न गएका अनिल मंगलबार बिहानदेखि सम्पर्कविहीन थिए।
- घरको ढोका खुल्लै भेटिएपछि परिवारले खोजी सुरु गरेको थियो।
सर्लाही, २४ माघ
इश्वरपुर नगरपालिका–७ पोखरीटोलका २० वर्षिय अनिल महतो पोखरीमा मृत अवस्थामा फेला परेका छन्। सोमबार रातिदेखि घरबाट बेपत्ता भएका अनिलको शव बुधबार बिहान घर नजिकैको पोखरीमा भेटिएको हो। परिवारका अनुसार सोमबार राति खाना खाएपछि सुत्न गएका अनिल मंगलबार बिहानदेखि सम्पर्कविहीन थिए। घरको ढोका खुल्लै भेटिएपछि परिवारले खोजी सुरु गरेको थियो।
खोजतलासका क्रममा फेला नपरेपछि मंगलबार प्रहरीमा निवेदन दिइएको थियो। जिल्ला प्रहरी कार्यालय सर्लाहीका प्रवक्ता डिएसपी सरोज राईले बुधबार पोखरीमा शव फेला परेको पुष्टि गरे। उनका अनुसार मृतकको साथबाट मोबाइल फोन बरामद भएको छ र घटनाबारे अनुसन्धान भइरहेको छ। शव पोस्टमार्टमका लागि प्रादेशिक अस्पताल मलंगवा ल्याइएको थियो। पोस्टमार्टमपछि पनि परिवारले निष्पक्ष छानबिनको माग गर्दै शव नबुझेको मृतकका बुवा रामप्रताप महतोले बताए।
अनिलको बुधबार नै विवाहका लागि छेका तय हुने कार्यक्रम रहेको परिवारले जनाएको छ। विवाहको तयारी चलिरहेका बेला घटेको घटनाले स्थानीयस्तरमा शोक र चासो बढाएको छ।
प्रतिक्रिया