बाराको सिमरा अझै अशान्त, आज पनि कर्फ्यु आदेश जारी
सारांश
- जेनजी समूह र सुरक्षाकर्मीबीच भएको झडपपछि अशान्त बनेको बाराको सिमरा क्षेत्रमा जिल्ला प्रशासन कार्यालय बाराले आज पनि कर्फ्यु आदेश जारी राखेको छ ।
- जिल्ला प्रशासन कार्यालयका अनुसार आज दिउँसो १ बजेदेखि बेलुका ८ बजेसम्मका लागि कर्फ्यु आदेश जारी गरिएको हो ।
- वीरगञ्ज पथलैया सडकखण्डको पथलैया चोक दक्षिणदेखि जीतपुर लल्कापुलसम्म राजमार्गको दायाँ/बायाँ ५ सय मिटर र सिमरा विमानस्थलको ५ सय मिटर क्षेत्रमा कर्फ्यु लगाइएको छ ।
४ मंसिर, काठमाडौं ।
जेनजी समूह र सुरक्षाकर्मीबीच भएको झडपपछि अशान्त बनेको बाराको सिमरा क्षेत्रमा जिल्ला प्रशासन कार्यालय बाराले आज पनि कर्फ्यु आदेश जारी राखेको छ । जिल्ला प्रशासन कार्यालयका अनुसार आज दिउँसो १ बजेदेखि बेलुका ८ बजेसम्मका लागि कर्फ्यु आदेश जारी गरिएको हो । वीरगञ्ज पथलैया सडकखण्डको पथलैया चोक दक्षिणदेखि जीतपुर लल्कापुलसम्म राजमार्गको दायाँ/बायाँ ५ सय मिटर र सिमरा विमानस्थलको ५ सय मिटर क्षेत्रमा कर्फ्यु लगाइएको छ ।
बुधबार एमाले महासचिव शंकर पोखरेल, नेता महेश बस्नेतलगायतको आगमनलाई लक्षित गर्दै जेन–जेड युवाले सिमरा विमानस्थल नजिक प्रदर्शनको तयारी गरेको समयमा तनाव उत्पन्न भएपछि स्थिति नियन्त्रणमा लिन प्रशासनले कर्फ्यु आदेश जारी नै राखेको हो । प्रदर्शन रोक्न युवा संघका कार्यकर्ताले अवरोध सिर्जना गरेको भन्दै दुवै पक्ष आक्रामक बन्दा वातावरण तनावपूर्ण बनेको थियो ।
प्रतिक्रिया