सेयर बजार २५२८ मा झर्यो, घट्यो कारोबार
सारांश
- मंगलबार सेयर बजारको परिसूचक नेप्से १९.
- ४३ अंक घटेको छ ।
- सो गिरावटसँगै नेप्से २५२८ मा कायम भएको छ ।
२८ असोज, काठमाडौं ।
मंगलबार सेयर बजारको परिसूचक नेप्से १९.४३ अंक घटेको छ । सो गिरावटसँगै नेप्से २५२८ मा कायम भएको छ । कारोबार खुल्दा केही बेर बजार बढे पनि आधा घण्टामै ओर्लियो । कारोबार रकम घटेको छ । अघिल्लो दिन ४ अर्ब ९७ करोडको कारोबार भएकोमा आज ३ अर्ब ३६ करोडको भयो । ३३ कम्पनीको मूल्य बढ्दा २१४ को घट्यो भने ५ को स्थिर रह्यो । व्यापार सबैभन्दा धेरे १.४८ प्रतिशत बढ्यो भने हाइड्रोपावर सबैभन्दा धेरै १.७१ प्रतिशत घट्यो । निर्जीवन बीमा १.१०, माइक्रोफाइनान्स ०.७९, उत्पादन तथा प्रशोधन ०.९८, जीवन बीमा ०.९८, लगानी १.१६, होटल तथा पर्यटन १.११, फाइनान्स १.४०, विकास बैंक १.०० र बैंकिङ ०.८२ प्रतिशत घटे ।
दुई कम्पनीको मूल्य १० प्रतिशत बढ्यो । शुभम् पावर र ग्रामीण विकास बैंकको मूल्य १० प्रतिशत बढ्यो । क्रेस्ट माइक्रोलाइफ इन्स्योरेन्सको ५.८६, विन्ध्यबासिनी हाइड्रोपावरको ५.३१, सुपरमाइ हाइड्रोपावरको ४.८४ प्रतिशत बढ्यो । समाज लघुवित्तको मूल्य १० प्रतिशत घट्यो । सामुदायिक लघुवित्तको ७.५४, माइखोला हाइड्रोपावरको ६.७२, एसियन हाइड्रोपावरको ६.१८ र भूगोल इनर्जीको मूल्य ५.१३ प्रतिशत घट्यो । आज धेरै कारोबार भएका कम्पनीमा नेपाल पुनर्बीमा, हिमालयन रिइनस्योरेन्स, सीईडीबी होल्डिङ्स, युनियन हाइड्रोपावर र शिवम् सिमेन्ट क्रमशः अगाडि रहे ।
प्रतिक्रिया