पालिका पूर्वअध्यक्षबाटै ठगिएको भन्दै वडाध्यक्षले दिए प्रशासनमा उजुरी
सारांश
- मोरङको कटहरी गाउँपालिका–३ का वडाध्यक्ष जदुलाल कामतले पालिकाका पूर्वअध्यक्ष रामकुमार कामतविरुद्ध उजुरी दिएका छन् ।
- अनुचित लाभ लिएको भन्दै कामतलाई कारवाही गरिपाउँ भन्दै उनले प्रशासन कार्यालयमा आइतबार लिखित उजुरी दिएका हुन् ।
- लिएको ऋणभन्दा बढी पैसा फिर्ता गरिसक्दा पनि पूर्वअध्यक्ष कामतले आफ्नो जग्गा फिर्ता नगरेको भन्दै वडाध्यक्ष जदुलालले जिल्ला प्रशासन कार्यालय मोरङमा उजुरी दिएका हुन् ।
१६ असार ,मोरङ ।
मोरङको कटहरी गाउँपालिका–३ का वडाध्यक्ष जदुलाल कामतले पालिकाका पूर्वअध्यक्ष रामकुमार कामतविरुद्ध उजुरी दिएका छन् । अनुचित लाभ लिएको भन्दै कामतलाई कारवाही गरिपाउँ भन्दै उनले प्रशासन कार्यालयमा आइतबार लिखित उजुरी दिएका हुन् । लिएको ऋणभन्दा बढी पैसा फिर्ता गरिसक्दा पनि पूर्वअध्यक्ष कामतले आफ्नो जग्गा फिर्ता नगरेको भन्दै वडाध्यक्ष जदुलालले जिल्ला प्रशासन कार्यालय मोरङमा उजुरी दिएका हुन् ।
वडाध्यक्ष जदुले ७ वर्षअघि कामतकी पत्नी रुनादेवी कामतलाई ६ कट्टा जग्गा नामसारी गरेर २१ लाख रुपैयाँ कर्जा लिएका थिए । २१ लाख लिएका उनले हालसम्म ३५ लाख रुपैयाँ तिरिसकेका छन् । तर, रामकुमारले अझै २३ लाख रुपैयाँ दिएमात्रै जग्गा फिर्ता गरिदिने भन्दै धम्काउने गरेको उनले बताए । ‘घरजग्गा बैंकमा राखेर रामकुमारसँग लिएको कर्जा तिरें । अहिले त म रोडमा आएको छु,’ जदुले भने । उनले १५ धुर जग्गा बिक्री गरेर ७ लाख रुपैयाँसमेत दिएको बताए । तर, अझै २३ लाख बुझाए मात्र जग्गा फिर्ता गर्ने कामत अडान छ ।
‘बैंकमा राखेको घरजग्गा बेचेर ऋण तिरेँ, तर अझै पनि भुक्तान गर्न बाँकी रहेको भनिरहेका छन्,’ वडाध्यक्ष जदु कामतले भने । वडाअध्यक्ष जदुलाल कामत आफैं कांग्रेसबाट निर्वाचित जनप्रतिनिधि हुन् । पूर्वअध्यक्ष कामत भने पालिकाका सभापति हुन् । ‘कांग्रेस नेता विनोद बस्नेतको घरमै मिटिङ बस्यौं, तर रामकुमारले कसैको कुरा मानेनन्,’ वडाध्यक्ष उदुले भने । कामतले भने वडाध्यक्षसँग आफूले कुनै आर्थिक लेनदेन नै नभएको उनले बताए । पूर्वअध्यक्ष कामतबाट पीडित जदु मात्रै होइनन् । जदुजस्तै पीडित छिन्, कटहरी–२ की ५५ वर्षीय रामवती राजवंशी । उनको कथा झनै पीडादायी छ । रामवतीको जग्गा पनि कामतकै नाममा पुगेको छ । आठ लाख रुपैयाँ ऋण लिएकी उनले अहिले तिर्छुभन्दा पनि जग्गा फिर्ता पाएकी छैनन्
प्रतिक्रिया