संसदीय छानबिन समिति नबनेसम्म आन्दोलन जारी रहन्छ : मनीष झा
सारांश
- राष्ट्रिय स्वतन्त्र पार्टी (रास्वपा)का सांसद मनीष झाले भिजिट भिसा प्रकरणमा संसदीय छानबिन समिति नबनेसम्म आन्दोलन जारी रहने बताएका छन् ।
- प्रतिनिधिसभाको शुक्रबारको बैठकमा बोल्दै उनले उक्त कुरा बताएका हुन् ।
- “सन्तोषजनक जवाफ, संसदीय उच्चस्तरीय छानबिन समिति र यसको सबै ठगीएको, लुटिएको नेपालीले न्याय नपाएसम्म हाम्रो आन्दोलन जारी छ,” झाले भने ।
३० जेठ, काठमाडौं ।
राष्ट्रिय स्वतन्त्र पार्टी (रास्वपा)का सांसद मनीष झाले भिजिट भिसा प्रकरणमा संसदीय छानबिन समिति नबनेसम्म आन्दोलन जारी रहने बताएका छन् । प्रतिनिधिसभाको शुक्रबारको बैठकमा बोल्दै उनले उक्त कुरा बताएका हुन् । “सन्तोषजनक जवाफ, संसदीय उच्चस्तरीय छानबिन समिति र यसको सबै ठगीएको, लुटिएको नेपालीले न्याय नपाएसम्म हाम्रो आन्दोलन जारी छ,” झाले भने ।
भिजिट भिसा प्रकरणमा १८ दिनदेखि ११ वटा प्रतिनिधिसभा बैठक अवरोध गरिएको उनले जनाए । सहकार्य गरेकोमा अन्य प्रतिपक्षी दलहरूप्रति आभार प्रकट गर्दै उनले भने, “भिजिट भिसा प्रकरण र मानव तस्करी सम्बन्धी संगठित अपराध मन्त्रालय, मन्त्री कर्मचारी सबैको यथेष्ट प्रमाणसहित प्रमाणित छ ।”२०८१ कात्तिकदेखि २०८२ वैशाखसम्म अख्तियार दुरुपयोग अनुसन्धान आयोगले गृह मन्त्रालयलाई नौपटक पत्र काटेको उनले बताए । अख्तियारले बदमासी भइरहेको छ ध्यान देउ भन्दा गृहमन्त्री रमेश लेखकले ध्यान नदिएको उनले जनाए ।“जब अख्तियारले धावा बोल्ने भयो, तब आफ्ना कर्मचारीलाई किन तानियो,” झाले भने ।
प्रतिक्रिया