आईपीएलको प्लेअफमा तीन टोली छनोट, ४ नम्बरका लागि यी टोलीबीच प्रतिस्पर्धा

गुजरातको १२ खेलमा १८ अंकसहित शीर्ष स्थानमा छ। गुजरात प्लेअफका लागि छनोट पनि भएको छ।  यस्तै आरसीबीको १२ खेलमा १७ अंक छ। उसले प्लेअफमा आफ्नो स्थान पनि पक्का गरेको छ। पञ्जाबको पनि १२ खेलमा १७ अंक जोड्दै प्लेअफमा छनोट भएको छ। अब नम्बर ४ को लागि लडाई रोचक छ।   मुम्बईको १२ खेलबाट १४ अंक छ भने दिल्लीको १२ खेलबाट १३ अंक छ। अब दिल्ली र मुम्बईबीच लडाइँ छ। तर मुम्बईको रन रेट राम्रो छ। बाँकी दुई खेल दुवै टोलीका लागि गर या मरको स्थितिमा छन्।

चेन्नई, राजस्थान, हैदराबाद र केकेआर प्लेअफ दौडबाट पूर्ण रूपमा बाहिरिएका छन्। यस्तै लखनऊको ११ खेलमा १० अंक छ। उसका ३ खेल बाँकी छ। लखनऊ पनि प्लेअफको दौडमा छ। तर उसले बाँकी सबै खेल जित्नुपर्नेछ। यदि मुम्बईले आफ्ना दुवै खेल जित्यो र दिल्लीले पनि आफ्ना दुवै खेल जित्यो भने मुम्बई राम्रो रन रेटको आधारमा छनोट हुनेछ। यस्तै दिल्ली र मुम्बईले एक–एक खेल हारे पनि मुम्बई प्लेअफमा छनोट हुनेछ।  यस्तो अवस्थामा दुवै टोलीले आफ्ना बाँकी खेलहरू जित्नुपर्नेछ। दिल्लीले भने दुवै खेल ठूलो अन्तरले जित्नुपर्नेछ।