काठमाडौं महानगरका एसपीसहित ६ नगरप्रहरी र एक वडा सदस्यविरुद्ध उजुरी
सारांश
- काठमाडौं महानगरपालिकाका नगरप्रहरी उपरीक्षक (एसपी) दिनेश अर्याल र उनी नेतृत्वको कमान्डमा खटिएका पाँच जनाविरुद्ध प्रहरीमा उजुरी परेको छ ।
- उजुरीमा वडासदस्य हिरादेवी पोखरेललाई समेत विपक्षी बनाइएको छ ।
- सर्लाहीको रामनगर–१, स्थायी घर भएर काठमाडौं महानगरपालिका–३२ मा बस्दै आएका होसनारायण रायले आइतबार उनीहरूविरुद्ध जिल्ला प्रहरी परिसर काठमाडौंमा उजुरी दिएका हुन् ।
८ वैशाख, काठमाडौं ।
काठमाडौं महानगरपालिकाका नगरप्रहरी उपरीक्षक (एसपी) दिनेश अर्याल र उनी नेतृत्वको कमान्डमा खटिएका पाँच जनाविरुद्ध प्रहरीमा उजुरी परेको छ । उजुरीमा वडासदस्य हिरादेवी पोखरेललाई समेत विपक्षी बनाइएको छ ।सर्लाहीको रामनगर–१, स्थायी घर भएर काठमाडौं महानगरपालिका–३२ मा बस्दै आएका होसनारायण रायले आइतबार उनीहरूविरुद्ध जिल्ला प्रहरी परिसर काठमाडौंमा उजुरी दिएका हुन् ।
यही वैशाख ४ गते नगरप्रहरीले वडा नम्बर ३२, च्यासलस्थित कबाड संकलन केन्द्रमा डोजर चलाएको थियो । सो क्रममा महानगरको डोजर तोडफोड पनि भएको थियो । एसपी अर्यालसहित उनी नेतृत्वको कमान्ड र स्थानीय वडासदस्य पोखरेलले ज्यान मार्ने नियतले डोजर चलाएको रायको आरोप छ । नगरप्रहरीको कुटपिटबाट टाउकोमा चोट लागेपछि प्रहरीले उनलाई बानेश्वरस्थित निजामती कर्मचारी अस्पतालमा पुर्याएको थियो ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया