लागू औषधसहित २ जना पक्राउ
सारांश
- छिमेकी जिल्ला सप्तरीको सिमानाका त्रियुगा नगरपालिका ६ स्थित लालपत्ता प्रहरी चौकीको टोलीले उनीहरुलाई पक्राउ गरेको हो।
- सिराहाको लाहानबाट गाईघाटतर्फ आउँदै गरेको प्र १–०५–००१ ह ०१५३ नम्बरको अटोमा खानतलासी गर्दा लागूऔषध भेटिएपछि चालक त्रियुगा नगरपालिका ३ का ४४ वर्षीय राजेश श्रेष्ठ र यात्रु त्रियुगा ११ का २६ वर्षीय धिरज खड्का पक्राउ परेको प्रहरीले जनाएको छ।
- अटोमा शंका लागी खानतलासी लिँदा प्रतिबन्धित औषधि फेला परेपछि उनीहरुलाई नियन्त्रणमा लिइएको जिल्ला प्रहरी कार्यालय उदयपुरले जनाएको छ।
८ कार्तिक, गए राति त्रियुगा नगरपालिकाका २ जना लागू औषधसहित पक्राउ परेका छन्। छिमेकी जिल्ला सप्तरीको सिमानाका त्रियुगा नगरपालिका ६ स्थित लालपत्ता प्रहरी चौकीको टोलीले उनीहरुलाई पक्राउ गरेको हो।
सिराहाको लाहानबाट गाईघाटतर्फ आउँदै गरेको प्र १–०५–००१ ह ०१५३ नम्बरको अटोमा खानतलासी गर्दा लागूऔषध भेटिएपछि चालक त्रियुगा नगरपालिका ३ का ४४ वर्षीय राजेश श्रेष्ठ र यात्रु त्रियुगा ११ का २६ वर्षीय धिरज खड्का पक्राउ परेको प्रहरीले जनाएको छ। अटोमा शंका लागी खानतलासी लिँदा प्रतिबन्धित औषधि फेला परेपछि उनीहरुलाई नियन्त्रणमा लिइएको जिल्ला प्रहरी कार्यालय उदयपुरले जनाएको छ।
चेकजाँचको क्रममा साथमा लुकाई छिपाई राखेको डाईजेपाम, फेनार्गन र बुप्रिनोर्फिन गरी ५६ एम्पुल (थान) बरामद भएको छ। पक्राउ दुवैजना र अटोलाई जिल्ला प्रहरी कार्यालयमा राखेर अनुसन्धान सुरु गरिएको छ।
प्रतिक्रिया