विदेशबाट आउँदा दुईवटा मोबाइल ल्याउन पाइने।
सारांश
- मंगलबार बसेको मन्त्रिपरिषद्को बैठकले झिटीगुण्टा नियमावली संशोधन गरेर दुइटा मोबाइल साथमा ल्याउन पाउने निर्णय गरेको सरकारकी प्रवक्ता रेखा शर्माले बताइन् ।
- यसअघि एउटामात्रै मोबाइल ल्याउन पाउने व्यवस्था थियो ।
- त्रिभुवन विमानस्थलमा मोबाइल खोसिने गरेको गुनासो आएपछि प्रधानमन्त्री पुष्पकमल दाहालले यो समस्या समाधान गर्न निर्देशन दिएका थिए ।
काठमाडौं- सरकारले विदेशबाट आउने नेपाली नागरिकले दुइटा मोबाइल ल्याउन पाउने व्यवस्था गर्ने निर्णय गरेको छ ।
यसअघि एउटामात्रै मोबाइल ल्याउन पाउने व्यवस्था थियो । त्रिभुवन विमानस्थलमा मोबाइल खोसिने गरेको गुनासो आएपछि प्रधानमन्त्री पुष्पकमल दाहालले यो समस्या समाधान गर्न निर्देशन दिएका थिए । मन्त्रिपरिषद्को यो निर्णय लागू भएपछि अब आफूले चलाइरहेको मोबाइल र अर्को थप एक मोबाइल ल्याउन पाइनेछ। सञ्चार र श्रम मन्त्रालयले आवश्यक गृहकार्य गरी छिट्टै व्यवस्था लागू गरिने सञ्चारमन्त्री शर्माले बताइन् । साथै मन्त्रिपरिषद् बैठकले एमडीएमएस पनि लागू गर्ने निर्णय गरेको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया