ऊर्जामन्त्री श्रेष्ठले लिए रास्वपा केन्द्रीय सदस्यको शपथ
सारांश
- आइतबार केन्द्रीय सचिवालयको बैठकअघि सभापति रवि लामिछानेले श्रेष्ठलाई पद तथा गोपनियताको शपथ गराएका हुन्।
- शपथ समारोहमा महामन्त्री विपिन आचार्य पनि सहभागी थिए ।
- मन्त्री श्रेष्ठ गत असारमा चितवनमा सम्पन्न रास्वपाको प्रथम महाधिवेशनबाट दुई हजार १२३ मतसहित केन्द्रीय सदस्य निर्वाचित भएका थिए।
ऊर्जा, जलस्रोत तथा सिँचाइमन्त्री विराजभक्त श्रेष्ठले राष्ट्रिय स्वतन्त्र पार्टी (रास्वपा) को सचिवालय सदस्य र केन्द्रीय सदस्य पदको शपथ लिएका छन्।
आइतबार केन्द्रीय सचिवालयको बैठकअघि सभापति रवि लामिछानेले श्रेष्ठलाई पद तथा गोपनियताको शपथ गराएका हुन्। शपथ समारोहमा महामन्त्री विपिन आचार्य पनि सहभागी थिए ।
मन्त्री श्रेष्ठ गत असारमा चितवनमा सम्पन्न रास्वपाको प्रथम महाधिवेशनबाट दुई हजार १२३ मतसहित केन्द्रीय सदस्य निर्वाचित भएका थिए। भदौ ५ गते बसेको केन्द्रीय समिति बैठकबाट सभापति लामिछानेले श्रेष्ठलाई केन्द्रीय सचिवालय सदस्य मनोनीत गरेका थिए।
शपथ लिँदै मन्त्री श्रेष्ठले जिम्मेवारी निष्ठापूर्वक पूरा गर्ने प्रतिबद्धता जनाएका छन्। ‘रास्वपा प्रथम ऐतिहासिक महाधिवेशनमा दुई तिहाईभन्दा पनि बढी मत प्रदान गरी केन्द्रीय समिति सदस्यमा निर्वाचित गर्नुभएकोमा पार्टीको सार्वभौम सदस्यज्यूहरू सम्पूर्णमा हार्दिक आभार,’ श्रेष्ठले भने, ‘सबैको साथ, सहयोग, समन्वय र सुझावलाई आत्मसात् गर्दै आफ्नो जिम्मेवारी र कर्तव्य निष्ठापूर्वक पूरा गर्ने प्रतिबद्धता व्यक्त गर्दछु।’
प्रतिक्रिया