यी दुई महिला सशस्त्र प्रहरीले गरे सगरमाथाको सफल आरोहण
सारांश
- सशस्त्र प्रहरी बलका दुई महिला कर्मचारीले सगरमाथाको सफल आरोहण गरेका छन्।
- सशस्त्र प्रहरी सहायक निरीक्षक निम डिक्की शेर्पा र सहायक हवल्दार अनिता कार्कीले आज (आइतबार) बिहान सगरमाथाको सफल आरोहण गरेका हुन्।
- सहायक हवल्दार कार्कीले आज बिहान १० बजेर २० मिनेटमा र सहायक निरीक्षक शेर्पाले बिहान ११ बजेर ५५ मिनेटमा सगरमाथाको चुचुरोमा पुगेको सशस्त्र प्रहरी बलका सहप्रवक्ता डीएसपी शैलेन्द्र थापाले जानकारी दिए।
३ जेठ, काठमाडौं ।
सशस्त्र प्रहरी बलका दुई महिला कर्मचारीले सगरमाथाको सफल आरोहण गरेका छन्। सशस्त्र प्रहरी सहायक निरीक्षक निम डिक्की शेर्पा र सहायक हवल्दार अनिता कार्कीले आज (आइतबार) बिहान सगरमाथाको सफल आरोहण गरेका हुन्। सहायक हवल्दार कार्कीले आज बिहान १० बजेर २० मिनेटमा र सहायक निरीक्षक शेर्पाले बिहान ११ बजेर ५५ मिनेटमा सगरमाथाको चुचुरोमा पुगेको सशस्त्र प्रहरी बलका सहप्रवक्ता डीएसपी शैलेन्द्र थापाले जानकारी दिए।
उनका अनुसार सशस्त्र प्रहरीको तर्फबाट सगरमाथा आरोहण गर्ने उनीहरू तेस्रो र चौथो सशस्त्र प्रहरी कर्मचारी हुन् भने महिलाहरूको यो पहिलो सफल आरोहण हो। शेर्पा इलामको सन्दकपुर गाउँपालिकास्थित माबुमा जन्मिएकी हुन्। राष्ट्रियस्तरकी फेन्सिङ खेलाडीसमेत रहेकी कार्की रामेछाप गोकुलगंगा गाउँपालिका-१, चुचुरेमा जन्मिएको डीएसपी थापाले जानकारी दिए।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया