टीआरसीमा पुनर्नियुक्ति माग्दै प्रधानमन्त्रीलाई द्वन्द्वपीडितको खुला पत्र

का१० वैशाख,ठमाडौं ।

प्रधानमन्त्री बालेन्द्र शाह (बालेन)लाई द्वन्द्वपीडितले संक्रमणकालीन न्याय निरुपणका लागि ध्यानाकर्षण गराएका छन् ।  द्वन्द्वपीडितका संघसंस्थाले संयुक्त रूपमा खुला पत्र लेख्दै यसअघिका आयोग राजनीतिक दलका प्रदाधिकारी भएकै कारण असफल भएको बताएका छन् ।

वर्तमान पदाधिकारीको नियुक्ति अहिले पनि दलीय आधारमै भएकाले आफूहरूले मान्यता नदिएको र सर्वोच्चमा नियुक्ति बदर गरी पुनर्नियुक्तिका लागि रिट दायर गरेको उल्लेख गरेका छन् । “संक्रमणकालीन न्यायको नाममा पटकपटक आयुक्तहरू नियुक्त भए । तर, ती नियुक्तिहरू राजनीतिक भागबन्डा, अपारदर्शिता र प्रतिस्पर्धाविहीन प्रक्रियामा आधारित हुँदा कुनै सार्थक प्रगति हुन सकेन, बरु राज्यकोषको अपव्यय मात्र भयो,” द्वन्द्वपीडितले भनेका छन् ।

नेपालमा सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोग पटकपटक गठन भएको ११ वर्ष बितिसकेको स्मरण गराउँदै एकैजना द्वन्दपीडितले पनि न्याय पाएको अनुभूति गर्न नसकिएको पत्रमा उल्लेख गरिएको छ ।