सतपाल समर्थक र स्थानीयबीच झड्प, दर्जनौं घाइते
सारांश
- धनुषाको मिथिला नगरपालिका–२ नक्टाझिजको सुग्जोरमा रहेको सतपाल महाराजको सतलोक आश्रममा रहेका अनुयायी र स्थानीयबीच झड्प भएको छ ।
- झडपका क्रममा दुवैतर्फका एक दर्जन व्यक्ति घाइते भएको धनुषा प्रहरीले जनाएको छ ।
- सतलोक आश्रमले वरिपरिको ऐलानी जग्गा हड्पेको भन्दै शनिबार जग्गा नापजाँच गर्ने समय तोकिएको थियो ।
२६ पुस, धनुषा।
धनुषाको मिथिला नगरपालिका–२ नक्टाझिजको सुग्जोरमा रहेको सतपाल महाराजको सतलोक आश्रममा रहेका अनुयायी र स्थानीयबीच झड्प भएको छ । झडपका क्रममा दुवैतर्फका एक दर्जन व्यक्ति घाइते भएको धनुषा प्रहरीले जनाएको छ । सतलोक आश्रमले वरिपरिको ऐलानी जग्गा हड्पेको भन्दै शनिबार जग्गा नापजाँच गर्ने समय तोकिएको थियो । त्यही क्रममा अनुयायी र स्थानीयबीच झड्प भएको हो ।
जग्गा खाली गराउन गएका स्थानीय र आश्रमका व्यक्तिबीच विवाद बढेपछि जनकपुर–ढल्केवर सडक खण्डको महेन्द्रनगर औरही पुलमा सडक अवरुद्व गर्दै नाराबाजी गरिरहेका छन् । आश्रमका अनुयायीले स्थानीयलाई लखेट्दै कुटपिट गरेपछि स्थानीयको समूह एकजुट भई आएर दुईतर्फी झडप भएको हो । घाइतेलाई उपचारका लागि जानकी मेडिकल र प्रादेशिक अस्पताल जनकपुर ल्याइएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया