जसपाका प्रदेश अध्यक्ष अशोक यादवले छाडे पार्टी, साधारण सदस्यसमेत नरहने गरी दिए राजीनामा
सारांश
- जनता समाजवादी मधेश प्रदेश अध्यक्ष अशोककुमार यादवले पार्टी छाडेका छन् ।
- आज अध्यक्षलाई सम्बोधन गर्दै उनले प्रदेश अध्यक्षको जिम्मेवारीसँगै पार्टीको साधारण सदस्यसमेत नरहने गरी राजीनामा दिएका हुन् ।
- देशको अहिलेको राजनीतिक अवस्थामा देश र मधेशको विकास तथा अधिकारको रक्षा मधेश केन्द्रित दलहरूबाट सम्भव नहुने उनको निचोड छ ।
११ मंसिर, काठमाडौं ।
जनता समाजवादी मधेश प्रदेश अध्यक्ष अशोककुमार यादवले पार्टी छाडेका छन् । आज अध्यक्षलाई सम्बोधन गर्दै उनले प्रदेश अध्यक्षको जिम्मेवारीसँगै पार्टीको साधारण सदस्यसमेत नरहने गरी राजीनामा दिएका हुन् । देशको अहिलेको राजनीतिक अवस्थामा देश र मधेशको विकास तथा अधिकारको रक्षा मधेश केन्द्रित दलहरूबाट सम्भव नहुने उनको निचोड छ ।
‘मधेशी जनअधिकार फोरम नेपाल बाट राजनीति सुरु गरी हाल जनता समाजवादी पार्टीसम्म आउँदा सधैँ अन्याय, अत्याचार, शोषण तथा विभेद विरुद्ध अवाज उठाउँदा कैयन पटक थुना, जेल र मुद्दा मामिलहरू भोग्दै आफ्नो ज्यान समेतको प्रवाह नगरेको म आज मितिबाट सम्हाल्दै आएको पार्टीको जिम्मेवारी तथा पार्टीको धारण सदस्य समेतबाट राजीनामा गर्दछु’, उनले लेखेका छन् । केही महिनाअघि सर्लाहीका प्रहरी प्रमुख एसपी योगेन्द्र खड्कालाई फोनमा गालीगलौज गरेको विषयमा यादव पक्राउसमेत परेका छन् ।
प्रतिक्रिया