सबै कामको दोष नेताको टाउकोमा थुपार्न पाइँदैनः सभापति देउवा

१३ साउन, काठमाडौैं ।

नेपाली काँग्रेसका सभापति शेरबहादुर देउवाले सबै कामको दोष नेताको टाउकोमा थुपार्ने काम नगर्न आग्रह गर्नुभएको छ । पार्टी केन्द्रिय कार्यालय सानेपामा आयोजित एक कार्यक्रमलाई सम्बोधन गर्दै उहाँले यस्तो आग्रह गर्नुभएको हो । उहाँले नेपाली काँग्रेसको नेतृत्वमा गिरिजाप्रसाद कोईराला प्रधानमन्त्री हुँदा उदारीकरणको नीति लिनुभएको र त्यसबापत् धेरै गाली खानुपरेको स्मरण गर्नुभयो ।

उहाँले व्यापार गर्ने, उद्योग खोल्ने काम सरकारको नभएको र त्यसका लागि सहयोग गर्न भने सरकार सदैव तयार रहेको बताउनु भयो । व्यापारी, उद्योगीहरु मेहनत नगर्ने अनि सबै दोष नेतामाथि खन्याउने काम बन्द गर्न आग्रह गर्नुभयो ।  उहाँले भन्नुभयो, ‘नेपाली काँग्रेसको नेतृत्वमा गिरिजाबाबु प्रधानमन्त्री हुनुहुन्थ्यो, उहाँले नै उदारीकरणको नीति लिनुभएको छ । व्यापार व्यापारीले गर्ने, उद्योग उद्योगपतिले गर्ने भन्ने नीतिअनुसार सारा उहाँले निजीरकण गर्नुभयो । यति गाली पाउनुभयो उहाँहरुले, सारा व्यपारीलाई पोस्यो, निजीकरण गरेर सबै सक्यो भने गाली धेरै पाउनुभयो ।

हामीलाई गाली गर्दै हुनुहुन्छ, हामीले छोएकै छैन । व्यापार गर्ने व्यापारीले, उद्योग गर्ने उद्योगपतिले हो । केही समस्या छन् भने भन्नुस्, के गर्नुपर्छ सरकारले । हामी सरकारमा छौँ, हामी तयार छौँ, सहयोगका लागि । सबै कुराको दोष नेताको टाउकोमा राख्न पाइँदैन नि फेरि । आफू गर्नुप¥यो नि । आफू केही नगर्ने अनि हामीलाई दोष दिने ? काम गर्नुप¥यो, मेहनत गर्नुप¥यो । बिना मेहनत हुँदैन व्यापार होस् चाहे उद्योग होस् ।’सभापति देउवाले व्यापार र उद्योग सञ्चालन सरकारले नगर्ने पनि बताउनु भयो । आफूले गर्न नसकेको कामको दोष सरकारलाई लगाउनु नहुने पनि बताउनु भयो ।