व्यावसायिक क्रिकेटबाट भारतीय क्रिकेटर पियुष चावलाको सन्यास
सारांश
- भारतीय क्रिकेटर पियुष चावलाले व्यावसायिक क्रिकेटबाट सन्यास लिएका छन् ।
- ३६ वर्षीय चावलाले विज्ञप्तिमार्फत् आफ्नो झन्डै २० बर्षको क्रिकेट यात्रालाई पूर्णविराम लगाएको घोषणा गरेका हुन् ।
- चावला भारतले सन् २००७ मा टी–२० विश्वकप र २०११ को एकदिवसीय विश्वकप जित्दा टोलीको सदस्य थिए ।
२४ जेठ, काठमाडौं ।
भारतीय क्रिकेटर पियुष चावलाले व्यावसायिक क्रिकेटबाट सन्यास लिएका छन् । ३६ वर्षीय चावलाले विज्ञप्तिमार्फत् आफ्नो झन्डै २० बर्षको क्रिकेट यात्रालाई पूर्णविराम लगाएको घोषणा गरेका हुन् । चावला भारतले सन् २००७ मा टी–२० विश्वकप र २०११ को एकदिवसीय विश्वकप जित्दा टोलीको सदस्य थिए । चावलाले आईपीएल क्रिकेटमा पञ्जाव किंग्स, कोलकाता नाइट राइडर्स, चेन्नई सुपर किंग्स र मुम्बई इण्डियन्सबाट खेलेका थिए ।
आईपीएलमा उनले एक सय ९२ विकेट लिए । आईपीएलमा सबैभन्दा धेरै विकेट लिने खेलाडीको सूचीमा चावला चौथो स्थानमा छन् । उनले अघिल्लो वर्ष उत्तर प्रदेशबाट घरेलु क्रिकेट खेलेका थिए भने भारतका लागि अन्तराष्ट्रिय खेल पछिल्लो पटक सन् २०१२ मा खेलेका थिए । उनले भारतका लागि तीन टेस्ट, २५ एकदिवसीय र सात टी–२० अन्तर्राष्ट्रिय खेल खेलेका छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया