उनले भने, ‘हामी दक्षिणपन्थी पनि होइन र वामपन्थी पनि होइन। उग्र वामपन्थीको त कुरै भएन। कांग्रेस एउटा मध्यमार्गी पार्टी हो। कुनै पनि देशमा मध्यमार्गी पार्टी कमजोर भयो भने देश अराजकतातिर जान्छ। त्यो बुझ्नपर्छ। त्यो अराजकता रोक्न कांग्रेसले मात्रै सक्छ।’उनले सरकार र सत्ता बेग्लाबेग्लै कुरा भएको भन्दै सरकारमा भए पनि सत्ताको चाबी कांग्रेससँग नभएको बताए।

उनले थपे, ‘सत्ताको चाबी वामपन्थीहरूसँग छ, त्यसलाई हामीले कसरी खोल्ने रु साथीहरूले भन्नुहुन्छ, किन तिमी यसरी बोल्छौँ। हाम्रो भोलिको प्रतिस्पर्धी एमाले हो। उसले गलत काम गरेको छ भने गलतलाई गलत र सहीलाई सही भन्न सकौँ। नेपाली कांग्रेसका कार्यकर्ताहरूले गलतलाई गलत भन्न सकेनन् भने ती कार्यकर्ता कांग्रेसका कार्यकर्ता हुँदै हुँदैन।’