सर्लाहीमा कारको ठक्करबाट वृद्धा महिलाको मृ*त्यु
सारांश
- सर्लाहीको मलंगवा नगरपालिका–८ स्थित कुशुम पार्टी प्यालेस अगाडिको भित्री सडकखण्डमा आज अपराह्न सवारी दुर्घटनामा परी एक वृद्धा महिलाको मृत्यु भएको छ।
- दिउँसो करिब ३:०० बजे गोरखकालीतर्फबाट मलंगवा जाँदै गरेको BR 06 AE 9668 नम्बरको कारले पैदल यात्री ७० वर्षीया हसिना खातुनलाई ठक्कर दिएको थियो।
- खातुन मलंगवा नगरपालिका–३ की बासिन्दा थिइन्।
८ जेठ,सर्लाही ।
सर्लाहीको मलंगवा नगरपालिका–८ स्थित कुशुम पार्टी प्यालेस अगाडिको भित्री सडकखण्डमा आज अपराह्न सवारी दुर्घटनामा परी एक वृद्धा महिलाको मृत्यु भएको छ। दिउँसो करिब ३:०० बजे गोरखकालीतर्फबाट मलंगवा जाँदै गरेको BR 06 AE 9668 नम्बरको कारले पैदल यात्री ७० वर्षीया हसिना खातुनलाई ठक्कर दिएको थियो। खातुन मलंगवा नगरपालिका–३ की बासिन्दा थिइन्। ठक्करबाट उनी घाइते भइ प्रादेशिक अस्पताल मलंगवामा उपचारका लागि लगिएकोमा, करिब ४:०० बजे चिकित्सकले मृत घोषणा गरेका छन्।
दुर्घटनापछि जिल्ला प्रहरी कार्यालय सर्लाहीबाट प्रहरी निरीक्षकको कमाण्डमा खटिएको टोलीले घटनास्थलमा पुगेर अनुसन्धान थालेको छ। कार र चालक अमित गुप्ता, मलंगवा नगरपालिका–८ निवासी, प्रहरी नियन्त्रणमा छन्। प्रहरीका अनुसार दुर्घटना स्थल जिल्ला प्रहरी कार्यालय सर्लाहीबाट करिब २ किलोमिटर उत्तर–पूर्वमा पर्छ। घटनाको थप अनुसन्धान जारी रहेको छ।
प्रतिक्रिया