पानीको जारमा किरा, ललितपुर महानगरले तिरायो २५ हजार जरिवाना

अन्य समाचार प्रेस संवाददाता

पानीको जारमा किरा, ललितपुर महानगरले तिरायो २५ हजार जरिवाना

४ वैशाख, काठमाडौं ।

ललितपुर महानगरपालिकाले केएम मिनिरल वाटर एण्ड वेभरेज प्रालिलाई २५ हजार जरिवाना तिराएको छ । कम्पनीले उत्पादन गरेको पानीको जारमा किरा भेटिएपछि जरिवाना तिराएको ललितपुर महानगर प्रहरी बलका प्रमुख सिताराम हाछेथूले जानकारी दिए ।

उनका अनुसार पशु सेवा तालिम केन्द्र ललितपुरमा पिउनको लागि ल्याएको जारमा किरा भेटिएको थियो । जारमा किरा भेटिएको गुनासोपछि महानगर प्रहरी बलले तत्काल निरीक्षण गरेर जरिवाना तिराएको हाछेथूले बताए । पछिल्लो समय उपत्यकाका नगरहरुले पिउने पानीको जार, बोत्तलमा गुनासो आएमा तत्काल एक्सन लिइरहेका छन् भने जारको गुणस्तरमा पनि अनुगमन गरिरहेको छ ।