३० चैत, काठमाडौं ।

देशका विभिन्न स्थानबाट लागुऔषधसहित १५ जना पक्राउ परेका छन् । प्रहरीले उनीहरूलाई पक्राउ गरी कारबाही प्रक्रिया अगाडि बढाएको छ । प्रहरीका अनुसार कञ्चनपुरको पुनर्वास नगरपालिका ११ डोकेबजारबाट अवैध लागुऔषध खैरो हेरोइन १ सय १० मिलिग्रामसहित सोही ठाउँ बस्ने ५० वर्षीया लक्ष्मी कँडेललाई शुक्रबार साँझ प्रहरीले पक्राउ गरेको छ । लागुऔषध नियन्त्रण ब्यूरो शाखा कार्यालय धनगढी र प्रहरी चौकी परासनबाट खटिएको प्रहरीले उनलाई उक्त पदार्थसहित पक्राउ गरेको हो ।

मोरङको पथरीशनिश्चरे नगरपालिका १ गोस लाइन बस्ने ५१ वर्षीय कुमार लिम्बूलाई ब्राउनसुगर १ ग्रामसहित शुक्रबार साँझ प्रहरीले पक्राउ गरेको छ । इलाका प्रहरी कार्यालय पथरीबाट खटिएको प्रहरीले उनको घर तलासी गर्दा उक्त पदार्थ फेला पारी पक्राउ गरेको हो । यसैगरी मोरङको रतुवामाई नगरपालिका १ कुटुमगञ्जबाट ब्राउनसुगर ३ ग्राम ८ सय ८० मिलिग्रामसहित २ जनालाई शुक्रबार साँझ प्रहरीले पक्राउ गरेको छ । पक्राउ पर्नेहरूमा उर्लावारी नगरपालिका ३ बस्ने ३५ वर्षीय किरण राई र ३५ वर्षीय काजीमान लिम्बू रहेका छन् । इलाका प्रहरी कार्यालय सिजुवा समेतबाट खटिएको प्रहरीले भारतबाट नेपालतर्फ आउँदै गरेको को १५ प १९६ नम्बरको मोटरसाइकलमा सवार उनीहरूलाई उक्त पदार्थसहित पक्राउ गरेको हो ।

यस्तै दाङको तुलसीपुर उपमहानगरपालिका १८ हेमन्तपुर कोलकाटे टोलबाट ब्राउनसुगर ४ सय ७० मिलिग्रामसहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा सोही उपमहानगरपालिका ६ गोठलीगाउँ बस्ने ३२ वर्षीय श्रीधर डाँगी र सोही उपमहानगरपालिका ६ गाइडर बस्ने ४० वर्षीय लुपेन्द्र पोख्रेल रहेका छन् । प्रहरी चौकी बिजौरीबाट खटिएको प्रहरीले रा ७ प ३०६९ नम्बरको मोटरसाइकलमा सवार उनीहरूलाई उक्त पदार्थसहित पक्राउ गरेको हो ।  यस्तै झापाको बिर्तामोड नगरपालिका ५ सिटी सेन्टरस्थित सडकबाट अवैध लागुऔषध गाँजा करिब ५ किलो ५ सय ३४ ग्रामसहित २ जनालाई शुक्रबार दिउँसो प्रहरीले पक्राउ गरेको छ । पक्राउ पर्नेहरूमा भारत बेङ्लोर कनाटाकास इजिपुरा बस्ने ३७ वर्षीया सनम सेख र भारत नागावार बस्ने ५१ वर्षीय इब्राहिम केथाड्थ रहेका छन् ।

इलाका प्रहरी कार्यालय अनारमनीबाट खटिएको प्रहरीले काठमाडौंबाट काँकरभिट्टातर्फ जाँदै गरेको प्र३–००१ ख २८२५ नम्बरको बसलाई जाँच गर्ने क्रममा बसमा सवार उनीहरूलाई उक्त पदार्थसहित फेला पारी पक्राउ गरेको हो ।  यसैगरी झापा, अर्जुनधारा नगरपालिका ११ बसपार्क नजिकबाट ब्राउनसुगर करिब १ ग्राम ३ सय २० मिलिग्रामसहित बिर्तामोड नगरपालिका ६ स्यालडाँगी बस्ने ताप्लेजुङ फुङलिङ नगरपालिका ४ घर भएका २१ वर्षीय युगल दर्जी सिवालाई शनिबार बिहान प्रहरीले पक्राउ गरेको छ । अस्थायी प्रहरी पोस्ट बसपार्कबाट खटिएको प्रहरीले उनलाई उक्त पदार्थ सहित पक्राउ गरेको हो । यस्तै रूपन्देहीको बुटवल उपमहानगरपालिका ६ ट्राफिक चोकबाट  ब्राउनसुगर करिब १ ग्राम ६ सय ६० मिलिग्रामसहित सोही उपमहानगरपालिका ११ बस्ने ४४ वर्षीय केशर बहादुर दर्जीलाई शुक्रबार राति प्रहरीले पक्राउ गरेको छ । लागुऔषध नियन्त्रण ब्युरो शाखा कार्यालय भैरहवा र अस्थायी प्रहरी पोस्ट ट्राफिक चोकबाट खटिएको प्रहरीले लु ७३ प ६४५४ नम्बरको स्कुटरमा सवार उनलाई उक्त पदार्थ सहित पक्राउ गरेको हो ।