आज राति सातै प्रदेशमा वर्षाको सम्भावना, बढी कहाँ?

यस्तै राति मधेस प्रदेशका पनि एक-दुई स्थानमा हल्का वर्षा हुने सम्भावना छ।  महाशाखाका अनुसार राति बागमती प्रदेशका हिमाली क्षेत्रका थोरै स्थानमा हल्का हिमपात तथा पहाडी क्षेत्रका थोरै स्थान र तराई क्षेत्रका एक-दुई स्थानमा हल्का वर्षा हुने सम्भावना छ।यसैगरी आज राति गण्डकी प्रदेशका हिमाली क्षेत्रका थोरै स्थानमा हल्का हिमपात तथा पहाडी क्षेत्रका थोरै स्थानमा हल्कादेखि मध्यमसम्म वर्षा हुने सम्भावना छ। साथै तराई क्षेत्रका पनि एक-दुई स्थानमा हल्का वर्षा हुने सम्भावना छ।  महाशाखाले दिएको जानकारी अनुसार राति लुम्बिनी प्रदेशका हिमाली क्षेत्रका थोरै स्थानमा हल्का हिमपात तथा पहाडी क्षेत्रका थोरै स्थान र तराई क्षेत्रका एक-दुई स्थानमा हल्का वर्षा हुने सम्भावना छ। यस्तै राति कर्णाली प्रदेशका हिमाली क्षेत्रका थोरै स्थानमा हल्का हिमपात तथा पहाडी क्षेत्रका थोरै स्थानमा हल्का वर्षा हुने सम्भावना छ।

यसैगरी राति सुदूरपश्चिम प्रदेशका थोरै स्थानमा हल्का हिमपात तथा पहाडी र दुवै क्षेत्रका थोरै स्थानमा हल्का वर्षा हुने सम्भावना रहेको महाशाखाले जनाएको छ। मौसमविद्का अनुसार २४ घण्टामा १० मिलिमिटरभन्दा कम पानी पर्नु हल्का वर्षा, १० देखि ५० मिलिमिटरसम्म पानी पर्नु मध्यम वर्षा, ५० देखि माथि १०० मिलिमिटरसम्म पानी पर्नु भारी वर्षा, १०० देखि माथि २०० मिलिमिटरसम्म पानी पर्नु धेरै भारी वर्षा र २०० मिलिमिटरभन्दा माथि पानी पर्नु अति भारी वर्षा हो।   यस्तै केही स्थानमा वर्षा भन्नाले सम्बन्धित भूभागको ५० प्रतिशत, थोरै स्थान भन्नाले २५ देखि ३० प्रतिशत र एक-दुई स्थान भन्नाले २५ प्रतिशतभन्दा कम ठाउँमा वर्षा भयो भनेर बुझ्न सकिने मौसमविद् बताउँछन्।