विश्वकर्मा सवार स्कुटीलाई ठक्कर दिएको हुनसक्ने आशंकामा बा. १८ च. ८७६८ नम्बरको स्करपियोलाई नियन्त्रणमा लिएर अनुसन्धान गरिरहेको प्रहरी निरीक्षक साहले बताए। ‘स्कारपियो र स्कुटी एउटै दिशामा गुडेको थियो। स्कारपियोलाई अनुसन्धानका लागि त्यसका चालकसहित नियन्त्रणमा  लिएका छौं। दुर्घटनास्थलका प्रत्यक्षदर्शीहरुलाई पनि बोलाउँदैछौं। प्रत्यक्षदर्शीहरुको बयानले केही भन्न सकिन्छ,’ प्रहरी निरीक्षक साहले भने।

शिक्षक विश्वकर्माको मृत्युको शोकमा मिथिला नगरपालिकाका सम्पूर्ण सामुदायिक तथा संस्थागत विद्यालयमा शोक बिदा दिइएको छ। नगरपालिकाको शिक्षा शाखाले एक सूचना जारी गर्दै शिक्षक विश्वकर्माको मृत्युको शोकमा नगरपालिकाका सम्पूर्ण सामुदायिक तथा संस्थागत विद्यालय मंगलवार एक दिन बन्द रहने जनाएको छ।