खराब मौसमले जय ट्रफीको फाइनल खेलमा ढिलाइ
सारांश
- विभागीय टोली नेपाल पुलिस क्लब र त्रिभुवन आर्मी क्लबबिचको ‘जय ट्रफी पुरुष एलिट कप’ को फाइनल खेल खराब मौसमका कारण सुरु हुन ढिला भएको छ ।
- फाइनल खेल वीरगन्जमा खेलाइँदैछ ।
- खराब मौसमले टस पनि हुन सकेको छैन ।
१ माघ, वीरगन्ज ।
विभागीय टोली नेपाल पुलिस क्लब र त्रिभुवन आर्मी क्लबबिचको ‘जय ट्रफी पुरुष एलिट कप’ को फाइनल खेल खराब मौसमका कारण सुरु हुन ढिला भएको छ । फाइनल खेल वीरगन्जमा खेलाइँदैछ । खराब मौसमले टस पनि हुन सकेको छैन ।
नेपाली क्रिकेट इतिहासकै प्रतिष्ठित घरेलु प्रतियोगितामध्येको एक जय ट्रफी नेपाल क्रिकेट संघ (क्यान) ले आयोजना गरेको हो। प्रतियोगितामा चार टोली सहभागी छन् । प्रतियोगिताको प्रारम्भिक चरणको खेल दुई दिवसीय रूपमा खेलाइँदै छ । फाइनल खेल भने तीन दिवसीय हुने क्यानले जनाएको छ ।
क्यानका पूर्वअध्यक्ष जयकुमारनाथ शाहको नाममा जय ट्रफी सुरु भएको हो । जयकुमार नाथ शाह आफैले २०३७ सालमा ‘जय ट्रफी’ सुरुवात गरेका थिए। लामो समयसम्म जय ट्रफी नै राष्ट्रिय टोली छनोटको आधार पनि थियो । जय ट्रफीमा खेलाडीहरू सेतो रङको जर्सीमा देखा पर्छन् भने खेल रातो बलले खेलाइन्छ ।
प्रतिक्रिया