रविलाई बयानका लागी आज रुपन्देही लगिदै
सारांश
- बिहानै ५:४० बजे प्रहरीले उनलाई पोखरा अन्तर्राष्ट्रिय विमानस्थल पुर्याएको थियो, तर मौसम खराबीका कारण उडान ढिला भएपछि लामिछानेलाई केही समय एयरपोर्टमै राखिएको हो ।
- प्रहरीका अनुसार आजको बयान सकेर उनलाई फेरी कास्की फर्काउने तयारी छ।
- बुटवलस्थित सुप्रिम ऋण तथा बचत सहकारी संस्थामा १४ करोड २९ लाख रुपैयाँको अपचलन प्रकरणमा अनुसन्धान गर्न जिल्ला अदालत रुपन्देहीले लामिछानेसहित १२ जनालाई पक्राउको अनुमति दिएको थियो।
२७ कार्तिक, काठमाडौं – राष्ट्रिय स्वतन्त्र पार्टीका सभापति रवि लामिछानेलाई आज बिहान रुपन्देही जिल्ला अदालतमा बयानका लागि लगिएको छ। बिहानै ५:४० बजे प्रहरीले उनलाई पोखरा अन्तर्राष्ट्रिय विमानस्थल पुर्याएको थियो, तर मौसम खराबीका कारण उडान ढिला भएपछि लामिछानेलाई केही समय एयरपोर्टमै राखिएको हो ।
प्रहरीका अनुसार आजको बयान सकेर उनलाई फेरी कास्की फर्काउने तयारी छ। बुटवलस्थित सुप्रिम ऋण तथा बचत सहकारी संस्थामा १४ करोड २९ लाख रुपैयाँको अपचलन प्रकरणमा अनुसन्धान गर्न जिल्ला अदालत रुपन्देहीले लामिछानेसहित १२ जनालाई पक्राउको अनुमति दिएको थियो।
संसदीय छानबिन विशेष समिति र प्रहरीको प्रतिवेदनले बुटवलस्थित सुप्रिम सहकारीबाट एक करोड ९६ लाख रुपैयाँ लामिछानेकै नाममा र १४ करोड २९ लाख विभिन्न माध्यमबाट गोर्खा मिडिया नेटवर्कमा पुगेको जनाएको छ। लामिछानेलाई कास्की प्रहरीले सूर्यदर्शन सहकारी रकम अपचलन सम्बन्धी अनुसन्धानका क्रममा पक्राउ गरेका थिए। थप अनुसन्धानका लागि उनलाई सुप्रिम सहकारी ठगी प्रकरणमा रुपन्देही लगिएको हो।
प्रतिक्रिया