२४ कार्तिक, सर्लाही। सर्लाही जिल्लाको कविलासी नगरपालिका–३, मदनपुरमा शनिबार महावीर झण्डा मेलाको उद्घाटन सम्पन्न भएको छ ।

मेलाको उद्घाटन जनमत पार्टी सर्लाहीका कार्यकारी अध्यक्ष दिगेश्वर नायक द्वारा गरिएको हो। उद्घाटन समारोहमा अध्यक्ष नायकले मिथिलाको परम्परागत झरणी खेल देखेर उत्साह व्यक्त गर्दै यस प्रकारका सांस्कृतिक सम्पदाले हाम्रो पहिचानलाई जीवन्त राख्न सहयोग पुर्याउने बताउनुभयो। उहाँले झण्डा मेलालाई सामाजिक, सांस्कृतिक र धार्मिक एकताको प्रतीकका रूपमा व्याख्या गर्नुभयो।

कार्यक्रममा वडा नं ३ का वडा अध्यक्ष राम विश्वास राय, स्थानीय नेता, पत्रकार, सुरक्षाकर्मी र स्थानीयवासीहरूको उल्लेखनीय उपस्थिति थियो। यो मेला स्थानीय संस्कृति र परम्परालाई संरक्षण गर्न तथा जनसमुदायलाई एकै ठाउँमा जोड्ने उद्देश्यले आयोजना गरिएको हो।