ब्राजिलमा विमान दुर्घटना हुँदा ६१ जनाको मृत्यु
सारांश
- विमानमा ५७ यात्रु र चालक दलका चार सदस्य रहेका थिए।
- विमानमा सवार सबैकाे मृत्यु भएकाे अन्तर्राष्ट्रिय सञ्चारमाध्यमहरूले जनाएका छन्।
- भाेइपास एयरलाइन्सका अनुसार दुई इन्जिन भएको विमान दक्षिणी राज्य परानाको कास्केभेलबाट साओ पाउलो सहरको मुख्य विमानस्थलका लागि उडेको थियो।
ब्राजिलको साओ पाउलोमा विमान दुर्घटना हुँदा ६१ जनाकाे मृत्यु भएकाे छ। विमानमा ५७ यात्रु र चालक दलका चार सदस्य रहेका थिए। विमानमा सवार सबैकाे मृत्यु भएकाे अन्तर्राष्ट्रिय सञ्चारमाध्यमहरूले जनाएका छन्।
भाेइपास एयरलाइन्सका अनुसार दुई इन्जिन भएको विमान दक्षिणी राज्य परानाको कास्केभेलबाट साओ पाउलो सहरको मुख्य विमानस्थलका लागि उडेको थियो। तर विमान विन्हेडाे सहरमा दुर्घटनाग्रस्त भयो।
विमान खसेको आवासीय क्षेत्रमा कोही पनि घाइते नभएको अधिकारीहरूले बताएका छन्। सामाजिक सञ्जालमा पोष्ट गरिएका भिडियो फुटेजमा विमान घुमिरहेको र सिधै तल खसेको देखिन्छ। दुर्घटनाको खबर सुनेपछि ब्राजिलका राष्ट्रपति लुला डी सिल्भाले एक कार्यक्रममा एक मिनेट मौन धारण गरेका थिए।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया