रोमाञ्चक मोडमा आईपीएलको प्लेअफ समीकरण, अन्तिम खेलले गर्न सक्छ ठूलो उलटफेर

७ जेठ, भारत ।

इन्डियन प्रिमियर लिग (आईपीएल) जारी सिजनको लिग चरण अब अन्तिम चरणमामा आइपुगेको छ । सबै १० टोलीले समान १३–१३ खेल खेलिसकेका छन् । प्रत्येक टोलीले अब एक–एक खेल मात्र खेल्न बाँकी छ । शीर्ष चार टोली प्लेअफमा पुग्ने नियमअनुसार अहिलेको समीकरण निकै रोचक बनेको छ । १३ खेल सकिँदा शीर्ष स्थानमा रहेको रोयल च्यालेन्जर्स बेंगलोरले १८ अंकसहित प्लेअफ स्थान सुरक्षित गरिसकेको छ ।

टोलीको नेट रनरेट पनि बलियो छ । दोस्रो स्थानमा रहेको गुजरात टाइटन्स र तेस्रो स्थानको सनराइजर्स हैदराबाद समान १६ अंकमा छन् । यी दुई टोलीले अन्तिम खेल जितेमा शीर्ष दुई स्थानमा पुग्ने सम्भावना बलियो हुनेछ, जसले पहिलो क्वालिफायर खेल्ने अवसर दिन्छ । चौथो स्थानमा रहेको राजस्थान रोयल्स १४ अंकमा छ । टोली अन्तिम खेल जित्नैपर्ने दबाबमा छ । हार भएमा अन्य टोलीको नतिजामा निर्भर रहनेछ । १३ अंकमा रहेका पञ्जाब र कोलकाता नाइड राइयडर्सका लागि समीकरण अझ जटिल बनेको छ । दुवै टोलीले अन्तिम खेल जित्नुपर्नेछ र साथै अन्य प्रतिस्पर्धी टोली हार्ने आशा गर्नुपर्नेछ ।

आरसीबी सुरक्षित

तालिकाको शीर्ष स्थानमा रहेको रोयल च्यालेन्जर्स बैंगलोर १८ अंकका साथ प्लेअफका लागि छनोट हुने पक्का छ । उत्कृष्ट रन रेटका कारण आरसीबी ढुक्कको स्थितिमा छ ।

गुजरात र हैदराबादको सम्भावना बलियो

दोस्रो र तेस्रो स्थानमा रहेका गुजरात टाइटन्स र सनराइजर्स हैदराबादको समान १६–१६ अंक छ । दुवै टोलीलाई प्लेअफमा स्थान पक्का गर्न आफ्नो अन्तिम खेल जित्नुपर्ने हुन्छ । यदि यी दुवै टोलीले जितेमा उनीहरू सहजै अर्को चरणमा पुग्नेछन् ।

चौथो स्थानका लागि राजस्थानको दाबेदारी

१४ अंकसहित चौथो स्थानमा रहेको राजस्थान रोयल्स प्लेअफको बलियो दाबेदार हो । अन्तिम खेलमा मुम्बई इन्डियन्सलाई हराएमा राजस्थानको १६ अंक हुनेछ र उसले प्लेअफमा स्थान सुरक्षित गर्नेछ ।

पञ्जाब, कोलकाता, चेन्नई र दिल्लीको कठिन बाटो

१३–१३ अंक भएका पञ्जाब किंग्स र कोलकाता नाइट राइडर्सले प्लेअफ पुग्न आफ्नो अन्तिम खेल विशाल अन्तरले जित्नुपर्नेछ र राजस्थानको हारको कामना गर्नुपर्नेछ ।

१२–१२ अंक भएका चेन्नई सुपर किंग्स र दिल्ली क्यापिटल्सको सम्भावना भने निकै कमजोर छ । उनीहरूले आफ्नो खेल जितेर मात्र पुग्दैन, अन्य टोलीको नतिजा र रन रेटमा ठूलो फेरबदल हुनुपर्नेछ ।

मुम्बई र लखनऊ बाहिरिए

तालिकाको पुछारमा रहेका मुम्बई इन्डियन्स र लखनऊ सुपर जायन्ट्स (समान ८ अंक) प्लेअफको दौडबाट बाहिरिइसकेका छन् । अब हुने उनीहरूको अन्तिम खेल केवल प्रतिष्ठाको लडाईं मात्र हुनेछ ।