चिर्पटले हानेर बुवाको ह*त्या गरेको आरोपमा छोरी पक्राउ
सारांश
- दैलेखमा ६५ वर्षीय बुवा धनबहादुर रामजाली मगरको हत्या गरेको आरोपमा उनकै छोरी पक्राउ परेकी छिन् ।
- पक्राउ पर्नेमा नौमुले गाउँपालिका- ५ गजमाली बस्ने २७ वर्षीया तिर्सना रामजाली मगर रहेकी प्रहरीले जनाएको छ ।
- उनलाई प्रहरीले सोमबार साँझ पक्राउ गरेको हो ।
२३ मंसिर, दैलेख ।
दैलेखमा ६५ वर्षीय बुवा धनबहादुर रामजाली मगरको हत्या गरेको आरोपमा उनकै छोरी पक्राउ परेकी छिन् । पक्राउ पर्नेमा नौमुले गाउँपालिका- ५ गजमाली बस्ने २७ वर्षीया तिर्सना रामजाली मगर रहेकी प्रहरीले जनाएको छ । उनलाई प्रहरीले सोमबार साँझ पक्राउ गरेको हो ।
तिर्सनाले काठको चिर्पट प्रहार गर्दा धनबहादुर गम्भीर घाइते भएका भन्ने खबर प्राप्त हुनासाथ इलाका प्रहरी कार्यालय नौमुलेबाट खटिएको प्रहरीले उनलाई पक्राउ गरेको हो । चिर्पट प्रहारबाट गम्भीर घाइते भएका धनबहादुरको प्राथमिक स्वास्थ्य केन्द्र नौमुलेमा उपचारको क्रममा मृत्यु भएको हो । थप अनुसन्धान भइरहेको प्रहरीले जनाएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया