चार सांसद चढेको गाडी दुर्घटना,
सारांश
- मोरङमा कोशी प्रदेशका चारजना सांसद सवार गाडी दुर्घटनामा परेको छ।
- कोशी प्रदेशका चारजना प्रदेशसभा सदस्य सवार गाडी मोरङको कानेपोखरीमा सोमबार दुर्घटनामा परेको हो।
- झापाबाट विराटनगरतर्फ गुडिरहेको गाडी विपरीत दिशाबाट आएको कारसँग ठोक्किएर दुर्घटना भएको प्रारम्भिक अनुसन्धानबाट खुलेको छ।
५ जेठ, इटहरी ।
मोरङमा कोशी प्रदेशका चारजना सांसद सवार गाडी दुर्घटनामा परेको छ। कोशी प्रदेशका चारजना प्रदेशसभा सदस्य सवार गाडी मोरङको कानेपोखरीमा सोमबार दुर्घटनामा परेको हो। झापाबाट विराटनगरतर्फ गुडिरहेको गाडी विपरीत दिशाबाट आएको कारसँग ठोक्किएर दुर्घटना भएको प्रारम्भिक अनुसन्धानबाट खुलेको छ।
दुर्घटनामा परेको गाडीमा प्रदेशसभा सदस्य नम्बरलाल धिमाल, राधाकृष्ण खनाल, मैया श्रेष्ठ र विद्या चाम्लिङ चढेका थिए। सांसद चढेको बीएई १४०६ नम्बरको गाडीलाई बा ५ च ३५२० नम्बरको रातो कारले ठक्कर दिएको हो। दुर्घटनामा कुनै मानवीय क्षति भने नभएको प्रहरीको भनाइ छ। सांसद मैया श्रेष्ठ नेपाली कांग्रेसकी सांसद हुन्। राधाकृष्ण खनाल एमालेका सांसद हुन् भने नम्बरलाल धिमाल झापाकै एमालेबाट समानुपातिक सांसद हुन्। विद्या चाम्लिङ भने नेकपा एसको समानुपातिक सांसद हुन्।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया