सुशासनमा सुधार गरे ७ प्रतिशत आर्थिक वृद्धि हुन्छ : श्रेष्ठ
सारांश
- लक्ष्मी हुन्डाई ग्रुपका प्रबन्ध निर्देशक निरन्जन श्रेष्ठले सुशासनमा सुधार गरिए नेपाल आफैँ समृद्ध बन्ने बताएका छन् ।
- शनिबार (चैत २३) काठमाडौंमा आयोजित ‘एनसेल बाह्रखरी गल्फ तथा आर्थिक परिसंवाद’ कार्यक्रममा कार्यपत्र प्रस्तुत गर्दै उनले नेपालको आर्थिक अवस्था एउटा विन्दुमा गएर अड्किएको बताए ।
- “हाम्रो अर्थतन्त्र एउटा समस्यामा अल्झिएको छ, जमिनको मूल्य ३/४ प्रतिशतले बढेको छ,” उनले भने, “निजी क्षेत्रलाई व्यापार गर्न अप्ठ्यारो रहेको छ ।
२३ चैत,काठमाडौं ।
लक्ष्मी हुन्डाई ग्रुपका प्रबन्ध निर्देशक निरन्जन श्रेष्ठले सुशासनमा सुधार गरिए नेपाल आफैँ समृद्ध बन्ने बताएका छन् । शनिबार (चैत २३) काठमाडौंमा आयोजित ‘एनसेल बाह्रखरी गल्फ तथा आर्थिक परिसंवाद’ कार्यक्रममा कार्यपत्र प्रस्तुत गर्दै उनले नेपालको आर्थिक अवस्था एउटा विन्दुमा गएर अड्किएको बताए ।
“हाम्रो अर्थतन्त्र एउटा समस्यामा अल्झिएको छ, जमिनको मूल्य ३/४ प्रतिशतले बढेको छ,” उनले भने, “निजी क्षेत्रलाई व्यापार गर्न अप्ठ्यारो रहेको छ ।” उनले नेपालमा पूर्वाधार निर्माण निकै सुस्त गतिमा भएको बताए । मानव विकास सूचकांकमा पनि नेपाल निकै कमजोर रहेको उनले उल्लेख गरे । प्रतिवर्ष एक लाख ५० हजार पनि रोजगारी सिर्जना गर्न नसकिएको उनले बताए । संरचनागत सुधार गर्न सके ७ प्रतिशतको आर्थिक वृद्धि हुने उनले तर्क गरे । नेपालको पब्लिक फाइनान्सियल सेक्टरको रीस्ट्रक्चर गर्नुपर्ने उनले बताए ।
उनले सार्वजनिक खर्चको आकार बढेको र पुँजीगत खर्चमा कमी आएको बताए । संघीय, प्रादेशिक पुँजीगत खर्च बढाउन आवश्यक रहेकामा श्रेष्ठले जोड दिए । राजस्वको मुख्य आधार कर उठाउने भइरहेको उनले बताए । सरकार र निजी क्षेत्रबीच अविश्वासका खाडल रहेको र यसलाई पुर्नुपर्ने उनले धारणा व्यक्त गरे ।
प्रतिक्रिया