बागलुङमा जिप दुर्घटना हुँदा एक जनाको मृत्यु ,तीन घाइते
सारांश
- बिहीबार बिहान बागलुङको गलकोट नगरपालिका वडा नम्बर ३ हटियादेखि कोट मैदानतर्फ जाँदै गरेको ग १ ज ६१०० नम्बरको जिप खस गाउँमा दुर्घटना हुँदा गलकोट नगरपालिका वडा नं.
- ११ का विष्णु रानाको मृत्यु भएको जिल्ला प्रहरी कार्यालय बागलुङका प्रहरी नायब उपरीक्षक (डिएसपी) विजय यादवले जानकारी दिनुभयो ।
- दुर्घटनामा गम्भीर घाइते भएका रानालाई गलकोट नगर अस्पतालका चिकित्सकले मृत घोषणा गरेका हुन् ।
२१ चैत, बागलुङ –
बागलुङमा जिप दुर्घटना हुँदा एक जनाको मृत्यु भएको छ भने तीन जना घाइते भएका छन् । बिहीबार बिहान बागलुङको गलकोट नगरपालिका वडा नम्बर ३ हटियादेखि कोट मैदानतर्फ जाँदै गरेको ग १ ज ६१०० नम्बरको जिप खस गाउँमा दुर्घटना हुँदा गलकोट नगरपालिका वडा नं. ११ का विष्णु रानाको मृत्यु भएको जिल्ला प्रहरी कार्यालय बागलुङका प्रहरी नायब उपरीक्षक (डिएसपी) विजय यादवले जानकारी दिनुभयो ।
दुर्घटनामा गम्भीर घाइते भएका रानालाई गलकोट नगर अस्पतालका चिकित्सकले मृत घोषणा गरेका हुन् । यस्तै, दुर्घटनामा परी गलकोट नगरपालिका वडा नं. ५ सर्दा खेतका २२ वर्षीय राजन विक, वडा नं. ४ डाँडा खेतका १९ वर्षीय रमेश सुनार र वडा नम्बर ३ बोहरा फाँटका १९ वर्षीय अशोक बोहरा घाइतेको जिप्रका बागलुङका डिएसपी यादवले जानकारी दिनुभयो । घाइतेहरूको गलकोट नगर अस्पतालमा उपचार भइरहेको छ । जिप सडकदेखि एक सय मिटर तल खसेको छ ।
प्रतिक्रिया