बलिरामपुर नाकाबाट तस्करहरु तस्करी गर्न सकृय, रातारात भित्रियो सयौ पोका कपडा

अमरेश कुमार पाण्डे

१४ कात्तिक, बारा । जिल्लाको एक मात्र नाका जहा तस्करहरुले एक दिनमै सयौं कपडाको पोका अवैध रुपमा नेपाल भित्रयाउन सफल भएका हुन्छन ।

नेपाल प्रहरी र सशस्त्र प्रहरीको मिलोमतोमा बलिरामपुर नाका हुदै दिनहु सयौ पोका कपडा अर्थात करोडौ बराबरको कपडा नेपाल भित्रयाउन सफल भएका हुन्छन । हिन्दुहरुको महान पर्ब तिहारको समयमा बलिरामपुर नाकालाई पडका भित्रयाउने नाका समेत भन्न थालिएको छ । पर्सा जिल्लाको वीरगंज बजार क्षेत्रमा बाराको बलिरामपुर नाकालाई पडका भित्रयाउने थल्लोको रुपमा हल्ला चलेपछि यस दैनिकका सम्वाददाताले समाचार संकलन गर्न बलिरामपुर नाकामै पुगेका थिए ।

स्थलगत समाचार संकलन गर्ने क्रममा बलिरामपुर नाकाबाट ठुलो मात्रामा कपडाको लाइन चलेको बारे जानकारी प्राप्त गर्यो । प्राप्त जानकारी अनुसार बुझदै जादा बलिरामपुर नाकाबाट ६ जनाको समुहमा रहेको कुख्यात तस्करहरुलाई कपडाको लाइन दिइएको बारे जानकारी प्राप्त भयो । स्थानीय बोर्डर आउट पोष्ट बरैनिया मातहात रहेका साइट क्याम्प बलिरामपुर र प्रहरी चौकी मुसहर्वाककै मिलोमतोमा सीमा नाकाबाट कपडा तस्करीको लाइन खोलिएको प्रहरी श्रोतले आफ्नो नाम गोप्य राख्ने सर्तमा बताए ।

प्रहरी श्रोतले जनाए अनुसार कपडा तस्करीको लाइन दिएको कारण त्यसको फाइदा उठाउदै तस्करहरुले कपडाको नाममा पटका समेत नेपाल भित्रयाएको स्विकार गरे । उनका अनुसार आफ्नो माथिल्लो निकायले आदेश गरे अनुसार लाइन दिइएको मालसमानलाई रोकटोक नगरिएको स्विकार गरे । त्यति मात्र नभई अवैध तरिकाले नेपाल भित्रयाउने कपडाको स्कटिङ समेत गर्ने बाध्यता रहेको उनको दावी रहेको थियो ।

यता बारा जिल्लाको मात्र नभई पर्सा जिल्लाको अस्थायी प्रहरी पोष्ट इनर्वागाउका प्रहरीहरु समेत स्कटिङमा भाग लिने गरेको पाइएको छ । बारा जिल्लाको सीमावर्ती नाका बलिरामपुर हुदै वीरगंज क्षेत्रमा प्रवेश गर्ने कपडाको लाइनमा अस्थायी प्रहरी पोष्ट इनर्वागाउका प्रहरीहरु समेत सुरक्षासाथ क्षेत्र कटाउने गरेको पाइएको हो । मंगलवार राति मात्र ८४ पोका कपडा तस्करहरुले बलिरामपुर, इनर्वा गाउ हुदै वीरगंजमा भित्रयाउन सफल भएका थिए।

। बोर्डर आउट पोष्ट बरैनियाका प्रमुख, प्रहरी चौकी मुसहर्वाका प्रमुख र अस्थायी प्रहरी पोष्ट इनर्वागाउका प्रमुखले समेत आर्थिक लोभमा फसेकै कारण तस्करी हुने गरेको पाइएको छ ।