बाढी पीडितलाई राहत वितरण
सारांश
- चक्रघट्टा गाउँपालिका–४ सुन्दरपुरमा बाढी पीडितलाई राहत वितरण कार्यक्रम सम्पन्न भएको छ।
- सामाजिक अभियन्ता सरोज रायको पहलमा र एनसेल फाउन्डेशन तथा भोलन्टियर कोर्पस नेपाल (VCN) को सहकार्यमा बाढीबाट प्रभावित ५० परिवारलाई राहत सामग्री प्रदान गरिएको हो।
- उक्त कार्यक्रममा सरोज राय, एनसेल प्रतिनिधि राजेश चौधरी, VCN प्रतिनिधि सौगात कार्की, वार्ड अध्यक्ष फयाज अहमद, स्वंमसेवक माइक (पाइलट, अमेरिकन नागरिक), संजीव यादव, ई.
१३ कार्तिक, सर्लाही । चक्रघट्टा गाउँपालिका–४ सुन्दरपुरमा बाढी पीडितलाई राहत वितरण कार्यक्रम सम्पन्न भएको छ। सामाजिक अभियन्ता सरोज रायको पहलमा र एनसेल फाउन्डेशन तथा भोलन्टियर कोर्पस नेपाल (VCN) को सहकार्यमा बाढीबाट प्रभावित ५० परिवारलाई राहत सामग्री प्रदान गरिएको हो।
उक्त कार्यक्रममा सरोज राय, एनसेल प्रतिनिधि राजेश चौधरी, VCN प्रतिनिधि सौगात कार्की, वार्ड अध्यक्ष फयाज अहमद, स्वंमसेवक माइक (पाइलट, अमेरिकन नागरिक), संजीव यादव, ई. धर्मेन्द्र यादव, दिलीप यादव, सुभाष यादव, र अनुज यादवको उपस्थिति थियो। स्थानीय समाजका व्यक्तिहरू र स्थानीय प्रहरीको समेत उल्लेखनीय उपस्थिति रहेको यो कार्यक्रममा राहत सामग्री वितरण गरिएको थियो।
राहतका रूपमा प्रत्येक पीडित परिवारलाई कम्बल, बाल्टिन, चामल, तेल, जिरा, दाल, दालबुट, चिनी, चायपत्ती, नुन, चना, सोयाविन र च्युरा लगायतका दैनिक आवश्यक सामग्री प्रदान गरियो। साथै, सरसफाइलाई ध्यानमा राख्दै हाइजिन किट ब्यागसमेत वितरण गरिएको थियो, जसमा टॉवल, नुहाउने साबुन, लुगा धुने साबुन, भाँडा धुने साबुन, टुथपेस्ट, ब्रश, नेलकटर, काइयो, र सेनिटरी प्याड समावेश गरिएका थिए।
राहत सामग्री वितरणमा वार्ड अध्यक्ष फयाज अहमद तथा स्थानीय समाजको समन्वयमा पीडित परिवारहरूको छनौट गरिएको थियो। उपस्थित सबैको सहकार्य र योगदानमा कार्यक्रम सफलतापूर्वक सम्पन्न भयो।
प्रतिक्रिया