खोलामा डुबेर १७ वर्षीय किशोरको मृत्यु, एक बेपत्ता
सारांश
- झापाको शिवसताक्षी नगरपालिका-१० स्थित माईखोलामा पौडी खेल्ने क्रममा डुबेर साेमबार एक जनाको मृत्यु भएको छ भने एक जना बेपत्ता भएका छन् ।
- भद्रपुर नगरपालिका-५ का १७ वर्षीय फिरोज खानको डुबेर मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक कृष्णकुमार चन्दले जानकारी दिए ।
- त्यसैगरी बिर्तामोड नगरपालिका-२ का १८ वर्षीय उज्ज्वल राई बेपत्ता भएका छन् ।
२५ भदौ , झापा । झापाको शिवसताक्षी नगरपालिका-१० स्थित माईखोलामा पौडी खेल्ने क्रममा डुबेर साेमबार एक जनाको मृत्यु भएको छ भने एक जना बेपत्ता भएका छन् ।
भद्रपुर नगरपालिका-५ का १७ वर्षीय फिरोज खानको डुबेर मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक कृष्णकुमार चन्दले जानकारी दिए । त्यसैगरी बिर्तामोड नगरपालिका-२ का १८ वर्षीय उज्ज्वल राई बेपत्ता भएका छन् । खान र राईसहित चार जना दोमुखा घुम्न आउने क्रममा माईखोलामा नुहाउन पसेका थिए । नुहाउन पसेका मध्ये खान र राई खोलामा डुबेर बेपत्ता भएका थिए ।
घटनाको जानकारी प्राप्त गरे लगत्तै खटिएको प्रहरी टोलीले बेपत्ता मध्ये फिरोज खानको शव घटनास्थलबाट एक सय मिटर तल ढुङ्गामा अड्किएको अवस्थामा फेला पारेको थियो । राई हालसम्म फेला नपरेकाले कोशी प्रदेश प्रहरी विपद् व्यवस्थापन गुल्म चन्द्रगढी र सशस्त्र प्रहरी बल नेपाल सुरक्षा बेस क्याम्प शनिश्चरको टोलीले खोजी गरिरहेको छ । मृत खानको शव परीक्षणका लागि प्रादेशिक अस्पताल भद्रपुर पठाइएको प्रहरीले जनाएको छ ।
प्रतिक्रिया