सांसद शाहीको प्रधानमन्त्रीलाई प्रश्न: क्रिकेट खेलाडीलाई दिने भनिएको रकम किन रोकेको ?
सारांश
- प्रतिनिधिसभाको सोमबारको बैठकमा सांसद शाहीले प्रधानमन्त्री पुष्पकमल दाहाल प्रचण्डले क्रिकेट खेलाडीलाई पुरस्कार उपलब्ध गराउने घोषणा गरेपनि अहिलेसम्म खेलाडीको खातामा एक पैसा पनि नआएको भन्दै खेलाडीले पाउनुपर्ने रकम अबिलम्ब उपलब्ध गराउन सरकारको ध्यानाकर्षण गराएका हुन्।
- ‘प्रधानमन्त्रीले पटक/पटक गरी १७/१७लाख दिने वाचा दिनुभयो।
- खातामा एक रकम पैसा आएको छैन।
राप्रपाका सांसद ज्ञानेन्द्रबहादुर शाहीले क्रिकेट खेलाडीले पाउनुपर्ने रकम अबिलम्ब उपलब्ध गराउन सरकारको ध्यानाकर्षण गराएका छन्। प्रतिनिधिसभाको सोमबारको बैठकमा सांसद शाहीले प्रधानमन्त्री पुष्पकमल दाहाल प्रचण्डले क्रिकेट खेलाडीलाई पुरस्कार उपलब्ध गराउने घोषणा गरेपनि अहिलेसम्म खेलाडीको खातामा एक पैसा पनि नआएको भन्दै खेलाडीले पाउनुपर्ने रकम अबिलम्ब उपलब्ध गराउन सरकारको ध्यानाकर्षण गराएका हुन्।
‘प्रधानमन्त्रीले पटक/पटक गरी १७/१७लाख दिने वाचा दिनुभयो। खातामा एक रकम पैसा आएको छैन। भोकभोकै खेलिरहेका छन्,’उनले भने,’तर पनि भोकभोकै पेटमा खेलिरहेका छन्।’ उनले खेलाडीलाई दिने भनिएको रकम रोकिएर राख्नुको कारण समेत माग गरे। शुभकामना मात्रै दिएर खेलाडीको मनोबल उच्च नहुने भन्दै राप्रपाका सांसद शाहीले उत्कृट नजिता निकाल्न अभावलाई हटाउने काम पनि राज्यले गर्नुपर्ने बताए। सांसद शाहीले भोको पेटले राष्ट्रवादलाई कहाँसम्म धान्ने भन्ने प्रश्नचिन्ह खडा भएको बताए।
प्रतिक्रिया