‘देश र लोकतान्त्रिक व्यवस्थाका लागि कांग्रेसको महाधिवेशन महत्वपूर्ण छ कि लोकतन्त्र ट्रयाकमा ल्याउने आमनिर्वाचन?,’ प्रश्न गर्दै उनले भने, ‘मलाई राजनीतिक रूपले निर्वाचन महत्वपूर्ण छ।’ २३ भदौ बेलुकी बूढानीलकण्ठमा बसेको पदाधिकारी र पूर्वपदाधिकारी बैठकमा आफूले सभापति शेरबहादुर देउवासँग तत्कालीन प्रधानमन्त्री केपी शर्मा ओलीलाई फोन गरेर सरकारबाट बाहिरिने कुरा गर्न आग्रह गरेको पनि स्मरण गरे। देश, व्यवस्था र कांग्रेस खतरामा छ, राजनीतिको नाडी छाम्दा त्यही देखिन्छ। सभापतिज्यूले ओलीजीलाई फोन गरेर कांग्रेस सरकारबाट बाहिर निस्कन्छ भन्नुस् र वक्तव्य निकालौं,’ बूढानीलकण्ठ बैठकमा आफूले तत्कालीन समयमा राखेको विषय स्मरण गर्दै निधिले भने। निधिले बूढानीलकण्ठ बैठकमा राजनीतिक निकासका लागि सर्वदलीय सरकारको छलफल सुरू गर्न पनि सुझाएको बताए। उनले प्रतिनिधिसभा निर्वाचन पछि कांग्रेसको महाधिवेशन हुनुपर्ने बताए।