युवाहरूले फेरे जिरानी माई मन्दिरको मुहार
सर्लाही | कविलासी नगरपालिका–४, हेमपुरस्थित ऐतिहासिक जिरानी माई मन्दिरको जीर्णोद्धार स्थानीय युवाहरूले आफ्नै पहलमा सम्पन्न गरेका छन्। स्थानीय सरकारको बेवास्ता र चासो नपुगेपछि युवाहरूले सामूहिक श्रमदान र सहयोग संकलनमार्फत मन्दिर पुनर्निर्माणमा हात हालेका हुन्।
लामो समयदेखि जीर्ण अवस्थामा रहेको मन्दिरमा रंगरोगन, बत्ती जडान र सरसफाइको काम स्थानीय युवाहरूको सक्रियतामा सम्पन्न गरिएको हो। युवाहरूले आफैँले खर्च र श्रम जुटाएर मन्दिरलाई नयाँ र आकर्षक स्वरूप दिएका छन्। अहिले मन्दिर झिलिमिली बत्ती र चम्किला रंगले झन् मनमोहक बनेको छ।
Post Comment