नारायणगढ-मुग्लिन सडक : चार ठाउँको पहिरो पन्छाइयो, तुइन खोलाको अवरोध कायमै

अन्य समाचार प्रेस संवाददाता

नारायणगढ-मुग्लिन सडक : चार ठाउँको पहिरो पन्छाइयो, तुइन खोलाको अवरोध कायमै

९ असोज,काठमाडौँ ।

नागढुङ्गा-मुग्लिन सडक खण्डअन्तर्गत घोप्टेभिरमा पहिरो खसेर अवरुद्ध सडक एकतर्फीरुपमा सन्चालनमा आएको छ । यहाँ बुधबार साँझ ७ बजेदेखि सडक अवरुद्ध भएको थियो। त्यस्तै, जवाङ खोलामा राति ८ बजेदेखि साढे एक बजेसम्म अवरुद्द बनेको सडक अहिले बिहानबाट एकतर्फीरुपमा खुलेको छ। सडक विभागका प्रवक्ता प्रभातकुमार झाका अनुसार बाधरेभिरमा राति ८ बजे देखि १ बजेसम्म अवरुद्ध सडक अहिले दुइतर्फीरुपमा खुलेको छ।

चुङ खोलामा पनि राति ११ बजेदेखि २ बजेसम्म पहिरो खसेर अवरुद्ध सडक अहिले एकतर्फी सन्चालन आएको सडक विभागले जनाएको छ । यता तुइन खोलामा भने थप पहिरो नखसेपनि पहिरो पन्छाएर सकिएको छैन। आज बिहानैबाट पहिरो पन्छाउने काम भइरहेको सडक विभागले जनाएको छ।