जेनजी आन्दोलन : आफ्नो प्रदेशका मृतक परिवारलाई मधेश सरकारले साढे २ लाख क्षतिपूर्ति दिने
३ असोज, काठमाडौं ।
भदौ २३ र २४ गतेको जीनजीको आन्दोलनमा मृत्यु भएका आफ्ना प्रदेशका मृतक परिवारलाई मधेश सरकारले दुई लाख ५० हजार रुपैयाँ क्षतिपूर्ति दिने निर्णय गरेको छ । मधेश प्रदेश सरकारको मन्त्रिपरिषदको आज बसेको बैठकले सो निर्णय गरेको हो ।
बैठकले सुशासन र भ्रष्टाचार नियन्त्रणको मागसहित भएको जेन–जी आन्दोलनका क्रममा सहादत प्राप्त गरेका सहिदहरुप्रति भावपूर्ण श्रद्धाञ्जली अर्पण तथा घाइते भएकाहरुप्रति शीघ्र स्वास्थ्य लाभको कामना गर्ने निर्णय गरेको छ । प्रदर्शनका क्रममा भएको अकल्पनिय भौतिक र मानवीय क्षतिप्रति दु:ख प्रकट गरेको छ । जेनजी को शान्तीपूर्ण आन्दोलनमा घुसपैठ भइ सरकारी तथा निजी सम्पत्तिमा गरिएको आगजनी, तोडफोड र क्षतिको घटनामा संलग्न व्यक्तिहरुको पहिचान गरी कानूनी कारबाही अघि बढाउनुपर्ने निर्णय बैठकले गरेको हो ।
Post Comment