भूमि विधेयक संसदीय समितिबाट पारित

प्रेस संवाददाता

बिहिबार, भाद्र ५, २०८२

४१ पटक हेरिएको

प्रेस संवाददाता

आज बसेको प्रतिनिधिसभाको कृषि, सहकारी तथा प्राकृतिक स्रोत समितिको बैठकले विधेयक बहुमतले पारित गरेको हो ।
विधेयकको पक्षमा सत्ता गठबन्धनका एमाले र कांग्रेसका सांसदहरू उभिएका छन् भने माओवादी केन्द्र र राष्टिय स्वतन्त्र पार्टी (रास्वपा) ले विरोध गरेका छन् ।
उनीहरूले विधेयकमा फरक मत राख्ने भएका छन् ।

लामो समयदेखि विवादमा रहेको भूमिसम्बन्धी विधेयक संसदीय समितिबाट पारित भएको छ । आज बसेको प्रतिनिधिसभाको कृषि, सहकारी तथा प्राकृतिक स्रोत समितिको बैठकले विधेयक बहुमतले पारित गरेको हो ।

विधेयकको पक्षमा सत्ता गठबन्धनका एमाले र कांग्रेसका सांसदहरू उभिएका छन् भने माओवादी केन्द्र र राष्टिय स्वतन्त्र पार्टी (रास्वपा) ले विरोध गरेका छन् । उनीहरूले विधेयकमा फरक मत राख्ने भएका छन् । माओवादी सांसद रुपा चौधरी र रास्वपा सांसद अशोक चौधरीले विधेयकको विषयमा थप धारणा राख्न खोजेका थिए । तर, सत्तापक्षले बहुमतमा विधेयक पारित गरेको हो ।

लामो समयदेखि विवादमा रहेको विधेयक संसदीय समितिमा पनि पटकपटक छलफलमा आएको थियो । मधेशकेन्द्रित दलहरूले पनि विधेयकको विरोध गर्दै आएका थिए । कांग्रेस महामन्त्री विश्वप्रकाश शर्मासहित केही नेताले विधेयकको विरोध गरेका थिए ।