रसुवागढी भन्सार यार्डबाट ९ जनाको सकुशल उद्धार

प्रदेश बागमती प्रदेश समाचार प्रेस संवाददाता

रसुवागढी भन्सार यार्डबाट ९ जनाको सकुशल उद्धार

२४ असार, काठमाडौँ ।

रसुवामा लगातारको वर्षापछि आएको बाढीले गोसाइँकुण्ड गाउँपालिका–२ स्थित रसुवागढी भन्सार कार्यालयको यार्डमा फसेका ९ जनालाई सुरक्षाकर्मीहरूको संयुक्त टोलीले सकुशल उद्धार गरेको छ। प्रहरीका अनुसार, उद्धार गरिएका व्यक्तिहरूमा २ जना नेपाल प्रहरीका जवान रहेका छन् भने बाँकी ७ जना स्थानीय बासिन्दा हुन्।

नेपाली सेना, नेपाल प्रहरी र सशस्त्र प्रहरी बलको संयुक्त उद्धार टोलीले समयमै सबैलाई सुरक्षित स्थानमा स्थानान्तरण गरेको हो। गएराति भोटेकोशीमा भीषण बाढी आउँदा अवस्था प्रतिकूल बनेको हो ।