भारतको बिहारमा मेडिकल व्यवसायीको गोली हानी ह*त्या

प्रेस संवाददाता प्रेस संवाददाता
|
शनिबार, आषाढ २१, २०८२
|
|
५० पटक हेरिएको
Shares
भारतको बिहारमा मेडिकल व्यवसायीको गोली हानी ह*त्या

सारांश

  • भारत, बिहारको राजधानी पटनामा शुक्रबार राति बिहारका प्रसिद्ध उद्योगपति गोपाल खेमकाको गोली हानी हत्या गरिएको छ।
  •  यो घटना गान्धी मैदान प्रहरी चौकी क्षेत्रको रामगुलाम चोक नजिकै भएको भारतीय सञ्चारमाध्यमले जनाएका छन्।
  • प्रहरीले घटनाको अनुसन्धान गरिरहेको र हत्यारालाई पक्रन प्रयास भइरहेको बताएको छ।

२१ असार,भारत ।

भारत, बिहारको राजधानी पटनामा शुक्रबार राति बिहारका प्रसिद्ध उद्योगपति गोपाल खेमकाको गोली हानी हत्या गरिएको छ। यो घटना गान्धी मैदान प्रहरी चौकी क्षेत्रको रामगुलाम चोक नजिकै भएको भारतीय सञ्चारमाध्यमले जनाएका छन्। प्रहरीले घटनाको अनुसन्धान गरिरहेको र हत्यारालाई पक्रन प्रयास भइरहेको बताएको छ। हत्यापछि सम्पूर्ण सहरमा त्रास फैलिएको छ। बिहार प्रहरीले घटनाको अनुसन्धानका लागि विशेष अनुसन्धान टोली (एसआईटी) गठन गरेको छ।भारतीय सञ्चारमाध्यमका अनुसार गोपाल खेमका काम सकेर राति अबेर घर फर्किंदै थिए।

उनले आफ्नो घर नजिकै कार पार्क गरेर बाहिर निस्कने बित्तिकै पहिलेदेखि लुकेर बसेका हतियारधारीले आक्रमण गरे। हत्याराहरूले खेमकाको टाउकोमा गोली प्रहार गरेका थिए। एकपछि अर्को गरी दुई गोली हानिएको थियो। गोली चलेको आवाज सुनेपछि नजिकैका बासिन्दा घरबाट बाहिर निस्किए, तर हत्यारा घटनास्थलबाट भागिसकेका थिए। घटनाको जानकारी पाएपछि प्रहरी तुरुन्त घटनास्थल पुगेर प्रमाण संकलन गरेको छ। प्रहरीले शवलाई पोस्टमार्टमका लागि अस्पताल पठाएको थियो। पोस्टमार्टमपछि शनिबार बिहान उनको शव निवासमा ल्याइयो।  यस विषयमा बिहारका डीजीपी विनय कुमारले भने, ‘बिहार प्रहरीले उद्योगपति गोपाल खेमकाको हत्या प्रकरणमा एसआईटी गठन गरेको छ। एसपी सिटी सेन्ट्रलले यो टोलीको नेतृत्व गर्नेछन्। आरोपीलाई चाँडै पक्राउ गरिनेछ।’ प्रहरीले वरपरको सीसीटीभी फुटेज हेरेर अपराधीको पहिचान गर्ने प्रयास गरिरहेको छ।

मध्य पटनाकी एसपी दीक्षाले भनिन्, ‘चार तारिख राति ११:४० बजे होटल पानस नजिकै गोली लागेर एक प्रसिद्ध व्यापारीको मृत्यु भएको जानकारी प्राप्त भयो। प्रहरीले यो घटनाको गम्भीरतापूर्वक अनुसन्धान गरिरहेको छ।’बिहार विधानसभाका विपक्षी नेता तेजस्वी यादवले बिहारको कानून व्यवस्थामाथि प्रश्न उठाएका छन्। उनले सामाजिक सञ्जाल प्लेटफर्म एक्समा लेखे, ‘पटनामा एक ठूला व्यापारीको प्रहरी चौकी नजिकै गोली हानी हत्या गरिएको छ। बिहारमा हरेक महिना सयौं व्यापारीको हत्या भइरहेको छ। तर, हामी यो अवस्थालाई जंगलराज भन्न सक्दैनौं, किनभने धर्मशास्त्रमा यसलाई मिडिया व्यवस्थापन, धारणा व्यवस्थापन र छवि व्यवस्थापन भनिन्छ।’ गोपाल खेमका बिहारका ठूला उद्योगपति मात्र नभएर भारतीय जनता पार्टी (भाजपा) का नेता पनि थिए। उनी स्वास्थ्य सेवा व्यवसायसँग सम्बन्धित थिए। राजेन्द्र नगरमा रहेको उनको मगध अस्पताल निकै प्रसिद्ध छ। यसबाहेक, उनले पेट्रोल पम्प पनि सञ्चालन गर्थे। गोपाल खेमका बाँकीपुर क्लबका पूर्व सचिव थिए र हाल उक्त क्लबका सदस्य थिए। सात वर्षअघि उनका छोरा गुन्जन खेमकाको पनि हत्या भएको थियो।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

विपीले नेपाली जनतालाई रैतीबाट मालिक बनाउनु भयोः दीपक खड्का
विपीले नेपाली जनतालाई रैतीबाट मालिक बनाउनु भयोः दीपक खड्का
चालू खाता साढे २ खर्ब र भुक्तानी सन्तुलन ४ खर्ब बढीले बचतमा
चालू खाता साढे २ खर्ब र भुक्तानी सन्तुलन ४ खर्ब बढीले बचतमा
सरकारले संसद् र यसको सचिवालयमाथि आर्थिक बन्देज लगाउने प्रयास गरिरहेको छ : सभामुख
सरकारले संसद् र यसको सचिवालयमाथि आर्थिक बन्देज लगाउने प्रयास गरिरहेको छ : सभामुख
प्रचण्डद्वारा नाढीमन तालको अवलोकन, पर्यटन प्रवर्द्धनमा जोड
प्रचण्डद्वारा नाढीमन तालको अवलोकन, पर्यटन प्रवर्द्धनमा जोड
सर्लाहीको लालबन्दीबाट गाँजासहित दुई भारतीय पक्राउ
सर्लाहीको लालबन्दीबाट गाँजासहित दुई भारतीय पक्राउ
चार देशीय टी-२० अन्तर्राष्ट्रिय सिरिज; कतारले नेपाललाई दियो १५२ रनको लक्ष्य
चार देशीय टी-२० अन्तर्राष्ट्रिय सिरिज; कतारले नेपाललाई दियो १५२ रनको लक्ष्य
असई थमन विक हत्या प्रकरण : उच्च अदालतमा सुनुवाइ
असई थमन विक हत्या प्रकरण : उच्च अदालतमा सुनुवाइ
भूमिसम्बन्धी विधेयकविरुद्ध आन्दोलन गर्ने जसपाको घोषणा
भूमिसम्बन्धी विधेयकविरुद्ध आन्दोलन गर्ने जसपाको घोषणा
गाँजाको व्यवसायीक उत्पादन गर्न कानुनी व्यवस्था, कृषि मन्त्रालयलाई ५७ अर्ब
गाँजाको व्यवसायीक उत्पादन गर्न कानुनी व्यवस्था, कृषि मन्त्रालयलाई ५७ अर्ब
एकान्तकुनाबाट बलात्कार आरोपी पक्राउ
एकान्तकुनाबाट बलात्कार आरोपी पक्राउ