उदयपुरमा मोटरसाइकल दुर्घटना, १ जनाको मृत्यु
सारांश
- उदयपुरको कटारी नगरपालिका-४ मुसहरी टोलमा मोटरसाइकल दुर्घटना हुँदा एकजनाको मृत्यु भएको छ।
- दुईजना घाइते भएका छन्।
- कटारीबाट सिन्धुली जाँदै गरेको प्रदेश २-०१-००३ प ५४२२ नम्बरको मोटरसाइकलले विपरीत दिशाबाट आउँदै गरेको साइकललाई बिहीबार दिउँसो ठक्कर दिंदा दुर्घटना भएको हो।
२१ चैत, उदयपुर।
उदयपुरको कटारी नगरपालिका-४ मुसहरी टोलमा मोटरसाइकल दुर्घटना हुँदा एकजनाको मृत्यु भएको छ। दुईजना घाइते भएका छन्। कटारीबाट सिन्धुली जाँदै गरेको प्रदेश २-०१-००३ प ५४२२ नम्बरको मोटरसाइकलले विपरीत दिशाबाट आउँदै गरेको साइकललाई बिहीबार दिउँसो ठक्कर दिंदा दुर्घटना भएको हो।
दुर्घटनामा परी साइकल यात्री सिन्धुली, दुधौली नगरपालिका-५ घारीथुम्सीका ७१ वर्षीया अमरबहादुर सुनुवारको मृत्यु भएको जिल्ला प्रहरी कार्यालय उदयपुरका सूचना अधिकारी डीएसपी केदारमान दोङले बताए। दुर्घटनामा गम्भीर घाइते भएका सुनुवारको कटारी अस्पतालमा उपचारको क्रममा मृत्यु भएको प्रहरीले जनाएको छ। मोटरसाइकल चालक कटारी नगरपालिका-६ गेरुवाका २३ वर्षीय अनन्त मगर र पछाडि बसेका एक जना घाइते भएका छन्। उनीहरुको कटारी अस्पतालमा उपचार भइरहेको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया