ज्ञानेन्द्र शाहीलाई पन्तको जवाफ– राष्ट्रियसभा वृद्धाश्रम होइन
सारांश
- नेकपा (एमाले)का सांसद रघुजी पन्तले राष्ट्रियसभा र प्रतिनिधिसभाबीच द्वन्द्व उत्पन्न भए व्यवस्थालाई नै असर गर्ने बताएका छन् ।
- आजको प्रतिनिधिसभा बैठकमा उनले आइतबारको राष्ट्रियसभाको बैठकले सांसद ज्ञानेन्द्र शाहीप्रति खेद प्रस्ताव पारित गरेको विषयमा त्यस्तो बताएका हुन् ।
- “हाम्रा दुई सदनका बीचमा द्वन्द्व उत्पन्न भयो भने संसदीय व्यवस्थालाई असर गर्छ ।
काठमाडौं । नेकपा (एमाले)का सांसद रघुजी पन्तले राष्ट्रियसभा र प्रतिनिधिसभाबीच द्वन्द्व उत्पन्न भए व्यवस्थालाई नै असर गर्ने बताएका छन् । आजको प्रतिनिधिसभा बैठकमा उनले आइतबारको राष्ट्रियसभाको बैठकले सांसद ज्ञानेन्द्र शाहीप्रति खेद प्रस्ताव पारित गरेको विषयमा त्यस्तो बताएका हुन् । “हाम्रा दुई सदनका बीचमा द्वन्द्व उत्पन्न भयो भने संसदीय व्यवस्थालाई असर गर्छ ।
एक सदनका सांसदले बोलेको कुरा अर्को सदनले खेद प्रस्ताव पारित गर्नु आफैँमा दुखद् हो,” उनले भने । पन्तले राष्ट्रियसभालाई वृद्धाश्रम भनेकोप्रति जवाफ समते दिए । “राष्ट्रियसभा वृद्धाश्रम होइन । पाकाहरुको सदन हो । त्यो सदनलाई वृद्धाश्रम भनेर आलोचना र बेइजत गर्नु हुँदैन,” उनले भने । पन्तले लोकतन्त्र सुसंस्कृत प्रणाली भएकाले आफ्ना धारणा राख्न ध्यान दिनुपर्ने बताए ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया