सांकेतिक तस्विर

सर्लाही।  नवलपुर–मलंगवा सडक खण्ड अन्तर्गत फरहदवा चिरान मिल नजिक सोमबार साँझ करिब ६ बजे भएको सवारी दुर्घटनामा मोटरसाइकल चालकको ज्यान गएको छ।

प्रहरीका अनुसार बालुवा लोड गरेर हरिपुर बाट मलंगवा तर्फ आउदै गरेको ज२त ४५२ नम्बरको ट्याक्टरमा सोही दिशाबाट आउँदै गरेको भारतीय नम्बर प्लेटको बीआर०५एक्यु ८७५९ मोटरसाइकल ठोक्किँदा मोटरसाइकल चालक कविलासी नगरपालिका–७ गैरका निवासी १९ वर्षीय चन्दन यादव गम्भीर घाइते भएका थिए।

घटनालगत्तै गम्भीर घाइते यादवलाई उपचारका लागि प्रादेशिक अस्पताल मलंगवा पुर्याइएको थियो। तर, अस्पतालमा चिकित्सकले उनलाई मृत घोषित गरे।

दुर्घटनापछि घटनास्थलमा पुगेको ईलाका प्रहरी कार्यालय हरिपुरको टोलीले ट्याक्टर र मोटरसाइकल नियन्त्रणमा लिएको छ। यद्यपि, ट्याक्टर चालक भने घटनापछि फरार रहेका छन्।