धनुषामा दुर्घटना न्युनिकरणका लागि विशेष अभियान सुरु

१८ भदौ धनुषा, मधेश ब्युरो।

सवारी दुर्घटना बढी हुने प्रदेशको रुपमा परिचित मधेश प्रदेशमा ट्राफिकले दुर्घटना न्युनिकरणका लागि विशेष अभियान सुरुको छ । दुर्घटना वृद्धिहुँदै गइरहेकोले सवारी दुर्घटना न्युनिकरण र ट्राफिक व्यवस्थापनका लागि ट्राफिक प्रहरी र स्थानिय प्रहरीको संयुक्त रुपमा दुर्घटना न्युनिकरण परामर्श टोली परिचालन गरि चेकिङ्गलाई तिब्र दिएको हो ।
जिल्ला ट्राफिक प्रहरी कार्यालय धनुषाले दुर्घटना न्युनिकरणका लागि जनकपुरधामको रामानन्द चोक, मुजेलिया, ढल्केवर, सहिद गेट लगायत ठाउँमा सरप्राईज चेकिङ्ग सुरुवात गरेको छ । मधेश प्रदेशको राजधानी छिर्ने सहिद गेट , महेन्द्रनगर र धनुषा जिल्लाको विभिन्न ठाउँमा, दुर्घटना न्युनिकरण परामर्श टोली परिचालन गरेको हो ।

चेकिङ्ग अभियानको सुरुवात गरिएको धनुषा ट्राफिक प्रहरी निरिक्षक तथा प्रमुख शेखर कुमार साहले जानकारी दिए ।
सवारी सधान तिब्र गतीमा हाक्ने, मादक पदार्थ सेवन गरी सवारी चलाउँदा , सवारीको छत र ढोकामा झुन्डीए मात्रा गरे गराएका कारण सवारी दुर्घटना बढेको ट्राफिक प्रहरी निरिक्षक साहले जनाएको छ ।

साथै चालकले सवारी साधन रोक्दा र अगाडी बढाउदा सवारी संकेत नदिएका कारण दुर्घटना हुने गरेको, त्यस्तै पछाडी सवारी चालकले अगाडिको सवारीसँग सहि दूरी कायम नगरी चलाएको हुनाले , सडकमा जथाभावी पार्किङ गरेका कारण बढी दुर्घटना भएको
त्यस्तै ओभर लोड भएका कारणले, चालकले मोवाइलको प्रयोगका करण सिट वेल्ट नबाधेका लगायतका कारणबाट बढी दुर्घटना हुने गरेको चेकिङ्ग अभियान तिब्ररुपमा सञ्चालनमा ल्याएको ट्राफिक प्रहरी निरीक्षक तथा प्रमुख शेखर कुमार साहले जनकारी दिए ।
त्यसै गरी मधेश प्रदेशको राजधानी जनकपुरधामको भानु चोक र मुरली चोकमा समेत ट्राफिक लाईट जडान भइसकेको अवस्थामा देखिन्छ । ट्राफिक लाईट जसलाई हामी (सिग्नल) भनेर चिन्छौ, समय समयमा जिल्ला ट्राफिक प्रहरी  निरीक्षक तथा प्रमुख शेखर कुमार साह आफै गएर त्यहाँ बस्ने गर्दछन्।” त्यहीका स्थानिय पंकज झा भन्छन् ” जहिलेदेखि याे ट्राफिक प्रहरी निरीक्षक आउँनु भयाे धनुषा जिल्लामा  सबारी दुर्घटना न्यून भएको छ”।