भोटेकोशी बाढीपीडितलाई सोहन झाको ५१ हजार सहयोग
सारांश
- भोटेकोशी नदीमा आएको विनाशकारी बाढी तथा पहिरोबाट प्रभावित नागरिकको उद्धार र राहतका लागि राष्ट्रिय स्वतन्त्र पार्टी (रास्वपा) का नेता सोहनकुमार झाले ५१ हजार रुपैयाँ सहयोग गरेका छन्।
- मलङ्वा नगरपालिका–२ निवासी झाले उक्त रकम प्रधानमन्त्री दैवी प्रकोप उद्धार कोषमा व्यक्तिगत रूपमा जम्मा गरेको जानकारी दिएका छन्।
- बाढी र पहिरोका कारण ठूलो जनधनको क्षति भएको अवस्थामा प्रभावित नागरिकको उद्धार, उपचार तथा राहतमा सहयोग पुग्ने उद्देश्यले रकम उपलब्ध गराएको उनले बताए।
११ भदौ, सर्लाही ।
भोटेकोशी नदीमा आएको विनाशकारी बाढी तथा पहिरोबाट प्रभावित नागरिकको उद्धार र राहतका लागि राष्ट्रिय स्वतन्त्र पार्टी (रास्वपा) का नेता सोहनकुमार झाले ५१ हजार रुपैयाँ सहयोग गरेका छन्।
मलङ्वा नगरपालिका–२ निवासी झाले उक्त रकम प्रधानमन्त्री दैवी प्रकोप उद्धार कोषमा व्यक्तिगत रूपमा जम्मा गरेको जानकारी दिएका छन्। बाढी र पहिरोका कारण ठूलो जनधनको क्षति भएको अवस्थामा प्रभावित नागरिकको उद्धार, उपचार तथा राहतमा सहयोग पुग्ने उद्देश्यले रकम उपलब्ध गराएको उनले बताए।
‘विपद्को यो दुःखद् घडीमा प्रभावित नागरिकलाई सकेको सहयोग गर्नु हाम्रो दायित्व हो,’ झाले भने, ‘उद्धार, उपचार र राहतका लागि यो सहयोगले केही भए पनि योगदान पुर्याउने विश्वास गरेको छु।’
झाले विपद्मा परेका नागरिकको सहयोगका लागि अन्य व्यक्ति तथा संघसंस्थालाई समेत आ–आफ्नो तर्फबाट सहयोग गर्न आग्रह गरेका छन्।
प्रतिक्रिया