म्यागङ गाउँपालिकाका सूचना प्रविधि अधिकृत एक लाख घुससहित पक्राउ
सारांश
- अख्तियार दुरुपयोग अनुसन्धान आयोगका अनुसार तामाङले भुक्तानी रकमको कमिसनमा बार्गेनिङ गर्दै सेवाग्राहीलाई पटक–पटक दुःख हैरानी दिई घुस मागिरहेको भन्ने सूचना तथा उजुरीका आधारमा अनुसन्धान अघि बढाइएको थियो।
- आयोगको टंगालस्थित कार्यालयबाट खटिएको टोलीले तामाङलाई सेवाग्राहीबाट एक लाख रुपैयाँ घुस लिइसकेको अवस्थामा सोमबार काठमाडौं महानगरपालिका–१६ बालाजुबाट नियन्त्रणमा लिएको हो।
- आयोगले घुस रकमसमेत बरामद गरेको जनाएको छ।
काठमाडौं — नुवाकोटको म्यागङ गाउँपालिकाका सूचना प्रविधि अधिकृत वीरेन्द्र तामाङ एक लाख रुपैयाँ घुससहित पक्राउ परेका छन्।
अख्तियार दुरुपयोग अनुसन्धान आयोगका अनुसार तामाङले भुक्तानी रकमको कमिसनमा बार्गेनिङ गर्दै सेवाग्राहीलाई पटक–पटक दुःख हैरानी दिई घुस मागिरहेको भन्ने सूचना तथा उजुरीका आधारमा अनुसन्धान अघि बढाइएको थियो।
आयोगको टंगालस्थित कार्यालयबाट खटिएको टोलीले तामाङलाई सेवाग्राहीबाट एक लाख रुपैयाँ घुस लिइसकेको अवस्थामा सोमबार काठमाडौं महानगरपालिका–१६ बालाजुबाट नियन्त्रणमा लिएको हो।
आयोगले घुस रकमसमेत बरामद गरेको जनाएको छ। तामाङविरुद्ध घुस तथा भ्रष्टाचारसम्बन्धी कसुरमा विशेष अदालतबाट म्याद थप अनुमति लिई थप अनुसन्धान प्रक्रिया अघि बढाइएको आयोगले जनाएको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया